បណ្តាសហជីពនានានៅកម្ពុជា ដែលតំណាងឲ្យបងប្អូនកម្មករ កម្មការិនីរាប់លាននាក់នៅកម្ពុជា បានចាត់ទុកការប៉ុនប៉ង ធ្វើឃាតសម្តេចតេជោ ហ៊ុន សែន តាមរយៈដ្រូននោះ គឺជា​ទង្វើភេរវក​ម្ម​ហើយ​ជា​គំនិតផ្តួចផ្តើមរបស់ក្រុមឧទ្ទាមក្រៅច្បាប់ និងមានចេតនាទាញ​ឲុ្យ​ប្រទេស​កម្ពុជា​ធ្លាក់​ទៅ​រក​ភាព​វឹកវរសង្រ្គាមសារជា ថ្មីជានោះ។

តាមរយៈញត្តិរបស់បណ្តាសហជីពទាំងនោះបានលើកឡើងថា «យើងខ្ញុំសូម​ប្រកា​ស​ថ្កោល​ទោស​យ៉ាង​ដាច់​អហង្ការ​ចំពោះជនដែលរៀបចំគម្រោងវាយប្រហារដោយដ្រូនចូលភូមិគ្រឹះ សម្តេចតេជោ ហ៊ុន សែន ខណៈទង្វើនេះគឺជាអំពើភេរវកម្មប៉ុនប៉ងធ្វើឃាតថ្នាក់ដឹកនាំជាស្ថាបនិកបិតាសន្តិភាព ជាអគ្គមគ្គុទេសក៍ឯកដ៏ឆ្នើម និងជាឥស្សរជនជាន់ខ្ពស់របស់ជាតិ នេះជាអំពើខុសច្បាប់ យង់ឃ្នង និង​ឃោឃៅបំផុត ដោយមានគោលបំ ណងទាញកម្ពុជាឲ្យធ្លាក់ទៅក្នុងភាពវឹកវរ និង​អសន្តិសុខ​សង្គម​សារ​ជាថ្មី»។

តាមរយៈញត្តិរបស់បណ្តាសហជីពទាំងនោះបានចាត់ទុកថា សកម្មភាពដ៏ថោក​ទាប​របស់​ក្រុម​អគតិ​ទាំង​នោះ មិនត្រឹមតែធ្វើឲ្យបាត់បង់នូវសុខសន្តិភាព ស្ថិរភាព និងប៉ះពាល់ដល់​សេដ្ឋកិច្ច​សង្គម​ជាតិ​ទាំងមូលប៉ុណ្ណោះទេ ប៉ុន្តែនឹងនាំមកនូវឱភាពប្រទេសជាតិ បង្អាក់ការរីកចម្រើន និងការ​អភិវឌ្ឍ​ជាតិ ព្រមទាំងធ្វើឲ្យបាត់បង់នូវសមិទ្ធផលដែល សម្តេចតេជោ ក៏ដូចជាប្រជាជនខ្មែរគ្រប់រូប ដែលបានខិតខំក៏សាងដោយលំបាករយៈពេលកន្លងមកផងដែរ។

យ៉ាងណាក៏ដោយបណ្តាសហជីពទាំងនោះបានលើកឡើងទៀតថា «ពួកយើងជាកម្មករនិយោជិត និងប្រជាពលរដ្ឋទាំងអស់នៅកម្ពុជាត្រូវការសុខសន្តិភាព ហើយកម្ពុជាធ្លាប់មានសង្រ្គាមច្រើនឆ្នាំមកហើយ ទើបតែបច្ចុប្បន្ននេះកម្ពុជាមានសុខសន្តិភាពយ៉ាងពិតប្រាកដ កម្ពុជាស្អប់ណាស់សង្រ្គាម ស្អប់ណាស់ក្រុម ប្រឆាំងដែលញុះញង់ឲ្យបង្កើតសង្រ្គាមនៅកម្ពុជា ពួកយើងដាច់ខាតការពារសន្តិភាពឲ្យបានគង់វង្ស យូរ អង្វែងជារៀងរហូត មានសន្តិភាពគឺមានអ្វីៗទាំងអស់»៕ អត្ថបទ៖ បាន ចក់