ភាគហ៊ុនអាស៊ី និងប្រាក់ដុល្លារមានស្ថិរភាពនៅថ្ងៃអង្គារ (១៨ កុម្ភៈ) នេះ ខណៈពាណិជ្ជករបានរង់ចាំការកាត់បន្ថយអត្រាការប្រាក់នៅក្នុងប្រទេសអូស្ត្រាលី និងប្រាក់ចំណូលរបស់ក្រុមហ៊ុននានានៅក្នុងប្រទេសចិន ស្របពេលដែលភាគហ៊ុនអឺរ៉ុប បានឡើងដល់កម្រិតខ្ពស់បំផុត លើការរំពឹងទុកនៃការបង្កើនចំណាយលើវិស័យការពារជាតិ ដើម្បីគាំទ្រកិច្ចព្រមព្រៀងសន្តិភាពអ៊ុយក្រែនណាមួយ។

ប្រាក់ដុល្លារអូស្រ្តាលី បានឈរនៅជិតកម្រិតខ្ពស់យៈពេលពីរខែ មុនការសម្រេចចិត្តលើអត្រាការប្រាក់របស់ធនាគារកណ្តាលដាក់ចេញនៅម៉ោងសកល ០៣:៣០។ ទីផ្សារបានកំណត់តម្លៃនៃឱកាសប្រហែល ៨៩% នៃការកាត់បន្ថយអត្រាការប្រាក់ ០,២៥% របស់អូស្រ្តាលី។

ភាគហ៊ុនរបស់ S&P 500 កើនឡើង ០,២% ហើយព្រួញសន្ទស្សន៍ភាគហ៊ុននៅអ៊ឺរ៉ុប បានរាបស្មើនៅក្នុងការជួញដូរពេលព្រឹកនៅអាស៊ី ខណៈ Nikkei របស់ជប៉ុន បានកើនឡើង ០,៣%។ ពេញមួយយប់ សន្ទស្សន៍ភាគហ៊ុន STOXX 600 ទូទាំងអឺរ៉ុប បានបិទក្នុងតម្លៃខ្ពស់ជាង ០,៥% ខណៈភាគហ៊ុនការពារជាតិ និងលំហអាកាស បានកើនឡើង ៤,៦% ដល់កម្រិតកំពូលខ្ពស់បំផុត ដោយឡើងថ្លៃជាងទ្វេដងចាប់តាំងពីប្រតិបត្តិការយោធារុស្ស៊ី លើអ៊ុយក្រែន កាលពី ៣ឆ្នាំមុនមក។

វិនិយោគិនរំពឹងថា ប្រាក់ចំណូលនៅក្នុងឧស្សាហកម្មនេះនឹងបន្តកើនឡើងខ្លាំង ដែលជំរុញដោយកំណើនដ៏គួរឱ្យកត់សម្គាល់នៅក្នុងថវិកាការពារជាតិដើម្បីបំពេញតម្រូវការសន្តិសុខថ្មី - ដែលអ្នកវិភាគបានដាក់ឈ្មោះថា "កំណើនសេដ្ឋកិច្ចរយៈពេលវែង" សម្រាប់វិស័យនេះ៕