មនុស្ស៣នាក់ ត្រូវបានបញ្ជាក់ថាបានស្លាប់ បន្ទាប់ពីត្រូវបានគេរកឃើញដួលនៅលើគំនរព្រិល នៅតំបន់ភ្នំ នៃទីក្រុង Fukushima ប្រទេសជប៉ុនភាគឦសាន នៅថ្ងៃអង្គារនេះ។ 

អាជ្ញាធរប្រចាំតំបន់ បាននិយាយថា នៅវេលាម៉ោងប្រហែល ៨និង៣០នាទីយប់ ម៉ោងក្នុងស្រុកកាលពីថ្ងៃចន្ទ បុគ្គលិកសណ្ឋាគារនៅតំបន់ Takayu Onsen ក្នុងទីក្រុង Fukushima បានរាយការណ៍ថា បុគ្គលិកបីនាក់ដែលបានចូលទៅតំបន់ភ្នំ មិនបានត្រឡប់មកវិញទេ។

បុរសទាំងបីនាក់ ជាបុគ្គលិកសណ្ឋាគារ ស្ថិតក្នុងវ័យ៥០ឆ្នាំនិង៦០ឆ្នាំ បានចូលទៅតំបន់ភ្នំ កាលពីថ្ងៃច័ន្ទ ប៉ុន្តែពុំបានត្រឡប់មកវិញទេ ខណៈពេលយប់បានឈានចូលមកដល់។

នគរបាល និងអ្នកពន្លត់អគ្គិភ័យ បានចាប់ផ្តើមស្វែងរកនៅព្រឹកថ្ងៃអង្គារនេះ ហើយបុរសទាំងបីនាក់ ត្រូវបានគេរកឃើញដេកស្លាប់នៅលើព្រិល។