សារព័ត៌មានគ្រប់គ្រងដោយរដ្ឋ TRT បានរាយការណ៍ថា នគរបាលទួរគីកាលពីថ្ងៃចន្ទ បានឃាត់ខ្លួន     គ្រូពេទ្យចំនួន ១៧នាក់ នៅក្នុងប្រតិបត្តិការទ្រង់ទ្រាយធំមួយ ដោយបានកំណត់គោលដៅលើជនសង្ស័យ មានទំនាក់ទំនងជាមួយបណ្តាញដែលត្រូវបានចោទប្រកាន់ពីបទរៀបចំការប៉ុនប៉ងធ្វើរដ្ឋប្រហារឆ្នាំ ២០១៦។ 

នគរបាល បានបើកប្រតិបត្តិការដំណាលគ្នា នៅទូទាំងខេត្តចំនួន ១០ ហើយបានចាប់ខ្លួនជនសង្ស័យទាំងនោះ ដែលកំពុងធ្វើការយ៉ាងសកម្ម ជាវេជ្ជបណ្ឌិត។

ការស៊ើបអង្កេត ផ្តោតទៅលើអន្តេវាសិកដ្ឋានរបស់និស្សិត ដែលដំណើរការដោយបណ្តាញ និងសេវាកម្មសិក្សា ដែលពួកគេបានផ្តល់ជូនសម្រាប់ការប្រឡងឯកទេសវេជ្ជសាស្ត្រ។

ក្នុងអំឡុងពេលឆែកឆេរអាសយដ្ឋានជាច្រើន សម្ភារៈឌីជីថលនិងឯកសារអង្គការមួយចំនួនធំ ត្រូវបាន   រឹបអូស។

បណ្តាញ Gulen ដែលដឹកនាំដោយ និងដាក់ឈ្មោះតាមបព្វជិតមូស្លីម Fethullah Gulen ដែលបានស្លាប់នៅសហរដ្ឋអាមេរិក កាលពីខែតុលា ឆ្នាំមុន ត្រូវបានចោទប្រកាន់ដោយរដ្ឋាភិបាលទួរគីថា បានរៀប      ចំផែនការការប៉ុនប៉ងធ្វើរដ្ឋប្រហារក្នុងឆ្នាំ ២០១៦ ដែលបានបណ្តាលឲ្យមនុស្សជាង ២៥០នាក់ ស្លាប់។