អគ្គលេខាធិការដ្ឋានរបស់ខ្លួន បានឲ្យដឹងកាលពីថ្ងៃចន្ទថា ក្រុមប្រឹក្សារដ្ឋមន្ត្រីមហាផ្ទៃអារ៉ាប់ បានអនុម័តផែនការជាច្រើនដំណាក់កាល ដើម្បីប្រយុទ្ធប្រឆាំងនឹងគ្រឿងញៀន និងឧក្រិដ្ឋកម្មព័ត៌មានវិទ្យា (IT) នៅចុងបញ្ចប់នៃកិច្ចប្រជុំលើកទី ៤២ របស់ខ្លួន។

យោងតាមសេចក្តីថ្លែងការណ៍របស់អគ្គលេខាធិការដ្ឋាន កិច្ចប្រជុំនេះ បានផ្តល់លទ្ធផលសំខាន់ៗ ដែលត្រូវបានគេរំពឹងថា នឹងពង្រឹងកិច្ចខិតខំប្រឹងប្រែងសន្តិសុខអារ៉ាប់រួម។

ក្នុងចំណោមវិធានការ ដែលបានអនុម័តនោះ មានផែនការដំណាក់កាលទី ១១ នៃយុទ្ធសាស្ត្រអារ៉ាប់ ដើម្បីប្រយុទ្ធប្រឆាំងគ្រឿងញៀនខុសច្បាប់ និងសារធាតុធ្វើឲ្យប៉ះពាល់ប្រព័ន្ធប្រសាទ ផែនការដំណាក់កាលទី២ ដើម្បីដោះស្រាយឧក្រិដ្ឋកម្មព័ត៌មានវិទ្យា និងផែនការដំណាក់កាលទី ៧ សម្រាប់ការការពារស៊ីវិល។

ក្រុមប្រឹក្សានេះ ក៏បានអំពាវនាវដល់អគ្គលេខាធិកាដ្ឋាន និងក្រសួងមហាផ្ទៃអារ៉ាប់ ឲ្យចូលរួមចំណែក ក្នុងការរៀបចំយុទ្ធសាស្ត្រអារ៉ាប់មួយ ដើម្បីប្រយុទ្ធប្រឆាំងឧក្រិដ្ឋកម្មឆ្លងដែនដែលមានអង្គការចាត់តាំង។

ក្រោមអធិបតីភាពរដ្ឋមន្ត្រីការពារជាតិកូវ៉ែត លោក Sheikh Abdullah Ali Abdullah Al-Salem Al-Sabah ព្រឹត្តិការណ៍រយៈពេល ពីរថ្ងៃ បានប្រមូលផ្តុំរដ្ឋមន្ត្រីមហាផ្ទៃរបស់ប្រទេសអារ៉ាប់ និងព័រទុយហ្គាល់   មន្ត្រីសន្តិសុខសំខាន់ៗ និងអ្នកតំណាងជាន់ខ្ពស់ មកពីអង្គការក្នុងតំបន់ និងពិភពលោក។