បុរសប៉ាឡេស្ទីនម្នាក់ បានជួបជុំជាមួយគ្រួសារគាត់វិញនៅទីក្រុង Khan Younis ស្ថិតក្នុងតំបន់ហ្កាហ្សាស្រ្ទីប ក្រោយជាប់ពន្ធនាគារក្នុងប្រទេសអ៊ីស្រាអែលអស់រយៈពេលជិត ១ឆ្នាំ ។

លោក Tarek Rabie Safi ដែលជាពេទ្យបឋមវ័យ ៣៩ឆ្នាំម្នាក់នេះ និងឪពុកកូន ២នាក់ ត្រូវបានដោះលែងកាលពីថ្ងៃសៅរ៍ ជាមួយអ្នកជាប់ឃុំប៉ាឡេស្ទីន ៣៦៨នាក់ផ្សេងទៀត ដែលជាផ្នែកមួយនៃកិច្ចព្រមព្រៀងបទឈប់បាញ់រវាងអ៊ីស្រាអែល និងក្រុមហាម៉ាស់ ។

លោក Safi ត្រូវបានឃុំខ្លួនកាលពីថ្ងៃទី ៣ ខែមីនា ឆ្នាំ ២០២៤ ហើយត្រូវបាននាំយកទៅកាន់មន្ទីរឃុំឃាំងអ៊ីស្រាអែល ជាទីដែលលោកនិយាយថា លោកត្រូវបានគេធ្វើទារុណកម្មលើរាងកាយ និងឲ្យទទួលទានមិនគ្រប់គ្រាន់ដោយក្រុមអ្នកចាប់ខ្លួនរបស់លោក ។

លោកនិយាយថា គ្មានអាហារគ្រប់គ្រាន់នោះទេ គ្មានទឹកផឹក ឬការព្យាបាលនោះទេ ។ ដៃម្ខាងរបស់លោកបានបាក់ ហើយពួកគេពុំបានព្យាបាលលោកនោះទេ ហើយពួកគេមិនអនុញ្ញាតឲ្យគ្រូពេទ្យមកពិនិត្យលោកនោះឡើយ ។

លោកបន្តថា បុរសវ័យក្មេងម្នាក់ដែលស្ថិតនៅក្នុងបន្ទប់តែមួយជាមួយលោក បានស្លាប់ដោយសារលទ្ធផលនៃការព្យាបាល ។

ដោយឡែក អ្នកស្រី Umm Abdallah ដែលជាភរិយារបស់លោក Safi មានការដឹងគុណជាខ្លាំងកាលដែលវាមិនមែនជាជោគវាសនាប្តីរបស់គាត់ ។

អ្នកស្រីនិយាយថា អ្នកស្រីសូមអរគុណព្រះដែលនាំប្តីរបស់គាត់វិលត្រឡប់មកវិញមានសុខភាពល្អ ។ សុភមង្គលមិនអាចរៀបរាប់បាននោះឡើយ វាពិបាករៀបរាប់នូវអារម្មណ៍បែបនេះខ្លាំងណាស់ ៕