ប្រជាជននៅក្នុងទីក្រុង Rio de Janeiro ប្រទេសប្រេស៊ីលបានស្វែងរកមធ្យោបាយផ្សេងៗដើម្បីរក្សាភាពស្រស់ស្រាយ ក្នុងអំឡុងពេលរលកកម្តៅខ្លាំងក្នុងរដូវក្តៅ កាលពីថ្ងៃអង្គារ ទី១៨ ខែកុម្ភៈ។

កាលថ្ងៃច័ន្ទ ទី១៧ ខែកុម្ភៈ ទីក្រុងនេះកម្តៅបានឈានដល់ចំណុចកំណត់ត្រា៤៤អង្សាសេ ដែលបង្កឱ្យមានការព្រមានពីរដ្ឋាភិបាល ហើយសីតុណ្ហភាពនៅតែខ្ពស់កាលពីថ្ងៃអង្គារ ដែលមានកម្តៅរហូតដល់៤៣ អង្សាសេ។

អ្នកស្រី Raquel Costa ជាប្រជាជនក្នុងតំបន់ ដែលបាននាំចៅស្រី និងមិត្តរួមថ្នាក់របស់នាង ទៅកាន់សួនកម្សាន្តដែលមានទឹកជាកន្លែងដែលក្មេងៗអាចគេចផុតពីកម្តៅក្តៅ បាននិយាយថា «វាក្តៅខ្លាំងណាស់ដែលអ្នកមិនអាចស្នាក់នៅតែក្នុងផ្ទះបានទេ»។

មន្ត្រីទីក្រុង បានណែនាំឲ្យ ប្រជាជនជៀសវាងការនៅក្រោមកម្តៅព្រះអាទិត្យដោយផ្ទាល់ និងឲ្យអនុវត្តពិធីសារសម្រាប់ការផ្តល់ជាតិទឹក និងការថែទាំ បន្ទាន់។