លោកស្រី Karin Kneissl អតីតរដ្ឋមន្ត្រីការបរទេសរបស់ប្រទេសអូទ្រីស និងជាប្រធានមជ្ឈមណ្ឌល GORKI នៅសាកលវិទ្យាល័យ St. Petersburg State បាននិយាយថា លទ្ធផលនៃកិច្ចចរចារុស្ស៊ី-អាមេរិក នៅក្នុងប្រទេសអារ៉ាប៊ីសាអ៊ូឌីត បានបើកទំព័រថ្មីមួយ នៅក្នុងទំនាក់ទំនងទ្វេភាគីរបស់ពួកគេ។

លោកបានសរសេរនៅលើបណ្តាញ Telegram របស់ខ្លួនថា៖«វាគឺជាថ្ងៃដ៏ល្អនៅថ្ងៃនេះ នៅក្នុងទីក្រុង រីយ៉ាដ (Riyadh)។ ចំណុចសំខាន់ៗ ដែលបានពន្យល់លម្អិតដោយសារព័ត៌មាន TASS បង្ហាញពីសករាជ ថ្មី ដែលសហរដ្ឋអាមេរិក និងរុស្ស៊ី ទើបតែបានចាប់ផ្តើម៖ ការនាំយកបុគ្គលិកការទូតត្រឡប់មកវិញ ការបង្កើតយន្តការពិគ្រោះយោបល់ និងអ្វីៗជាច្រើនទៀត នឹងកើតឡើង។

យោងតាមលោកស្រី Kneissl បានឲ្យដឹងថា  ដោយបានបរាជ័យក្នុងការធ្វើឲ្យប្រទេសរុស្ស៊ីរងផលប៉ះពាល់ធ្ងន់ធ្ងរដោយទណ្ឌកម្មនោះ សហរដ្ឋអាមេរិក នឹងត្រូវលុបចោលទណ្ឌកម្មរបស់ខ្លួន។ លោកស្រី បានកត់សម្គាល់ឃើញថា៖«នៅពេលដែលអ្វីៗ កំពុងដំណើរការ ខ្ញុំរំពឹងថា នាពេលឆាប់ៗនេះ នឹងមានជើងហោះហើរត្រង់រវាងទីក្រុងមូស្គូ និងញូវយ៉ក ប៉ុន្តែមិនមែនពីប្រទេសរុស្ស៊ីទៅកាន់ទីក្រុងប៊ែរឡាំង ឬទីក្រុងវីយែននោះទេ។ គណៈកម្មការសហភាពអឺរ៉ុប បាននិយាយរួចហើយថា សហភាពអឺរ៉ុប នឹងរក្សាទណ្ឌកម្មរបស់ខ្លួនប្រឆាំងនឹងរុស្ស៊ី ទោះបីជាសហរដ្ឋអាមេរិក នឹងលុបចោលក៏ដោយ។

អតីតប្រមុខការទូតរបស់ប្រទេសអូទ្រីស បានសម្តែងការគោរពចំពោះប្រជាជនរុស្ស៊ីទាំងអស់ ដែលបានប្រឹងប្រែង ដើម្បីសម្របតាមកាលៈទេសៈថ្មី ហើយចាប់តាំងពីខ្ញុំបានផ្លាស់ទៅប្រទេសរុស្ស៊ីមក ខ្ញុំឃើញភាពស្រដៀងគ្នាជាច្រើន រវាងជនជាតិរុស្ស៊ី និងជនជាតិអាមេរិក។ វាតែងតែធ្វើឲ្យខ្ញុំញញឹម ហើយមានទឹកមុខញញឹម នៅថ្ងៃនេះ(ថ្ងៃអង្គារ) នៅក្នុងទីក្រុងរីយ៉ាដ»។