​អាមេរិក៖ សហរដ្ឋអាមេរិក​មិន​បង្ខំ​ប្រទេស​នៅ​តំបន់​អាស៊ីអាគ្នេយ៍​ឲ្យ​ជ្រើសរើស​រវាង​ចិន និង​សហរដ្ឋ​អាមេរិក​ទេ សូម្បីតែ​ប្រទេស​ដែល​មាន​សេដ្ឋកិច្ច​ធំ​បំផុត​របស់​ពិភពលោក​ទាំង​២ ​ស្វែងរក​ការ​ប្រកួត​ប្រជែង​គ្នា​ទៅវិញទៅមក និង​នៅ​ពេល​ដែល​សហរដ្ឋអាមេរិក​បង្កើន​វត្តមាន​របស់​ខ្លួននៅ​ក្នុង​តំបន់​នេះ​។​

​លោកស្រី Gina Raimondo រដ្ឋមន្ត្រី​ក្រសួង​ពាណិជ្ជកម្ម​អាមេរិក​បាន​សង្កត់ធ្ងន់​ នៅក្នុង​បទសម្ភាសន៍​ទល់មុខ​គ្នា​ផ្តាច់មុខ​ជាមួយ​សារព័ត៌មាន Channel News Asia ថា នេះ​ពិតជា​មិនមែន​ទាំង​អាមេរិក ទាំង​ចិន​ទេ​។ ​លោកស្រី Raimondo បាន​និយាយថា "​ដំណើរ​ទស្សនកិច្ច​រប​ស់​ខ្ញុំ​នៅទីនេះ ការប្តេជ្ញាចិត្ត​របស់​យើង វា​មិនមែន​ទេ វា​មិនមែន​ព្រោះតែ​ប្រទេស​ចិន​​នោះទេ។ ​លោកស្រី Raimondo កំពុងធ្វើដំណើរ​ជា​ផ្លូវការ​ទៅកាន់​អាស៊ី​ចាប់ពី​ថ្ងៃទី១៥ ខែវិច្ឆិកា​ដល់​ថ្ងៃទី១៨ ខែវិច្ឆិកាដោយ​ចំណាយពេល​ ១​ថ្ងៃ​នៅ​ប្រទេស​ជប៉ុន, ២ថ្ងៃ​នៅ​សិង្ហ​បុរី និង ១​ថ្ងៃ​នៅ​ម៉ាឡេស៊ី​។

​ការចូលរួម​ក្នុង​បទសម្ភាសន៍​របស់​សារព័ត៌មាន Channel News Asia របស់លោក​ស្រី Raimondo នៅ​ប្រទេស​សិង្ហ​បុរី​កាលពី​ថ្ងៃទី១៦ ខែវិច្ឆិកា កើតឡើង​ចំ​ថ្ងៃ​នៃ​កិច្ចប្រជុំ​កំពូល​តាម​វីដេអូ​លើកដំបូង​រវាង​ប្រធានាធិបតី​អាមេរិកលោក Joe Biden និង​ប្រធានាធិបតី​ចិន​លោក Xi Jinping។​ ​ការអត្ថាធិប្បាយ​របស់​ប្រធាន​ពាណិជ្ជកម្ម​អាមេរិក ​ក៏បាន​ប្រឆាំងនឹង​ផ្ទៃ​ខាងក្រោយ​នៃ​ទំនាក់ទំនង​សេដ្ឋកិច្ច​កាន់តែ​ជិតស្និទ្ធ​ រវាង​ប្លុក​អាស៊ីអាគ្នេយ៍​ដែលមាន​សមាជិក​ទាំង ១០ និង​ប្រទេស​ចិន​ផងដែរ​។​ ​កាលពី​ឆ្នាំមុន សមាគម​ប្រជាជាតិ​អាគ្នេយ៍ ​(​អាស៊ាន​) បាន​ក្លាយជាដៃគូ​ពាណិជ្ជកម្ម​ដ៏​ធំ​បំផុត​របស់​ប្រទេស​ចិន​ជា​លើកដំបូង​៕

អត្ថបទ៖ សុខមាន