ព្រះវិហារ ៖ ឯកឧត្ដម ប្រាក់ សុវណ្ណ ថ្លែងថា ចាប់តាំងពីថ្ងៃ០៧ មករា ១៩៧៩ ថ្នាក់ដឹកនាំគណបក្សប្រជាជនកម្ពុជាបានប្រថុយប្ដូរជីវិតដើម្បីរំដោះប្រទេសជាតិចេញពីរបបខ្មៅងងឹត ០៣ឆ្នាំ ០៨ខែ ២០ខែ គោលនយោបាយឈ្នះ ឈ្នះ របស់សម្ដេចតេជោ ធ្វើឱ្យកម្ពុជាបានសុខសន្តិភាពពេញលេញមានការឯកភាពទឹកដី ក្រោមការគ្រប់គ្រងតែមួយ ពោលគឺប្រជាពលរដ្ឋរបស់យើង អាចធ្វើដំណើរបានគ្រប់ទិសទី ដោយសុខសុវត្ថិភាព។
ឯកឧត្ដម ប្រាក់ សុវណ្ណ អភិបាលនៃគណៈអភិបាលខេត្តព្រះវិហារ ថ្លែងក្នុងពិធីសំណេះសំណាល និងចែកអំណោយជូនប្រជាពលរដ្ឋមានជីវភាពខ្វះខាតចំនួន ១៥០គ្រួសារស្ថិតនៅវត្តទ្រីសុទ្ធារាម ភូមិសំបូរ ឃុំសង្កែ២ ស្រុកឆែប ខេត្តព្រះវិហារ ថ្ងៃទី១៦ ខែវិច្ឆិកា ឆ្នាំ២០២១ ក្រោមអធិបតីភាពឯកឧត្តម នាយឧត្ដមសេនីយ៍ មាស សុភា ទេសរដ្ឋមន្ត្រី ទទួលបន្ទុកបេសកកម្ម។
ឯកឧត្ដម ប្រាក់ សុវណ្ណ,ឯកឧត្តម មាស សុភា មានប្រសាសន៍ថា យើងបានមកដល់ដំណាក់កាលនេះ ក៏ដោយសារតែកិច្ចខិតខំប្រឹងប្រែងរបស់រាជរដ្ឋាភិបាល និងការដឹកនាំប្រកបដោយគតិបណ្ឌិតនិងឈ្លាសវៃបំផុតរបស់សម្ដេចតេជោ ហ៊ុន សែន នាយករដ្ឋមន្ត្រី ដោយបានចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋបានចំនួន ៨៨% នៃប្រជាពលរដ្ឋសរុប១៦លាននាក់ និងកំពុងចាក់វ៉ាក់សាំងជូនកុមារអាយុ ០៥ឆ្នាំ ដែលធ្វើឱ្យកម្ពុជាមានភាពស៊ាំក្នុងសហគមន៍យ៉ាងរឹងមាំ ដែលអាចបញ្ជាក់អំពីភាពម្ចាស់ការ ក្នុងការគ្រប់គ្រងប្រទេសបាន ប្រកបដោយជោគជ័យ និងមាននិរន្តរភាព ស្ថិតស្ថេរ តរៀងទៅ។
ក្នុងឱកាសនោះឯកឧត្ដម ក៏សូមផ្ដាំផ្ញើដល់លោកតា លោកយាយ អ៊ុំ ពូ មីង បងប្អូន កូនក្មួយ ត្រូវនាំកូនចៅដែលមិនទាន់បានចាក់វ៉ាក់សាំង មកចាក់វ៉ាក់សាំងនៅមណ្ឌលសុខភាពឱ្យបានគ្រប់ៗគ្នា ហើយត្រូវអនុវត្ត ៣ការពារ និង ៣កុំ ដើម្បីរៀនរស់នៅក្នុងបរិបទថ្មី ។
ឯកឧត្ដម ប្រាក់ សុវណ្ណ,ឯកឧត្តម មាស សុភា បានថ្លែងថា បើបងប្អូនមានការខ្វះខាតក្នុងជីវភាព សូមរាយកាណ៍មកអាជ្ញាធរមូលដ្ឋាននោះ អាជ្ញាធរស្រុក និងខេត្ត នឹងជួយបងប្អូនតាមលទ្ធភាពដែលអាចធ្វើទៅបាន ដោយមិនបណ្ដោយឱ្យបងប្អូនណាម្នាក់ដាច់ពោះស្លាប់ដោយអត់បាយនោះទេ ស្របតាមអនុសាសន៍ដ៏ខ្ពង់ខ្ពស់របស់សម្ដេចតេជោហ៊ុន សែន នាយករដ្ឋមន្ដ្រី និងបងប្អូនមិនត្រូវគិតផ្ដេសផ្ដាស ដើរធ្វើអំពើមិនគប្បី ឬអាចធ្វើអ្វីមួយដែលផ្ទុយពីច្បាប់នោះឡើយ។
ជាមួយគ្នានោះដែរ ឯកឧត្ដម បានអំពាវនាវ និងណែនាំបន្ថែមទៀតដល់មន្ត្រីរាជការ និងមន្ទីរ អង្គភាពនានាជុំវិញខេត្ត ត្រូវផ្ដល់សេវាសាធារណៈនានា ជូនបងប្អូនប្រជាពលរដ្ឋរបស់យើងឱ្យបានល្អប្រសើរ ដោយមិនត្រូវយកកម្រៃក្រៅពីច្បាប់មានចែងបានឡើយ។ ត្រូវបន្តពង្រឹងគោលនយោបាយ «ភូមិ-ឃុំ-សង្កាត់ មានសុវត្ថិភាព» ជាពិសេស បន្តបង្ក្រាបបទល្មើសល្បែងស៊ីសង ជល់មាន់ ឆ្នោតកន្ទុយលេខខុសច្បាប់ បទល្មើសគ្រឿងញៀន និងបន្តពង្រឹងច្បាប់ចរាចរណ៍ ជាដើម...។ល៕
អត្ថបទ ៖ សាវី
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
