កុមារី Sofia ស្ទាក់ស្ទើរក្នុងការត្រឡប់ទៅសាលារបស់ខ្លួន វិញនៅភាគខាងត្បូងអ៊ុយក្រែន ដោយភ័យខ្លាចថា៖«មានអ្វីមួយអាចកើតឡើងដោយសារតែសង្គ្រាម»។

ដូចកុមាររាប់សែននាក់ផ្សេងទៀតនៅក្នុងប្រទេសរបស់ខ្លួនដែរ កុមារីនេះ បានរៀនពីចម្ងាយអស់ជាច្រើនឆ្នាំ ដោយដំបូងបង្អស់ ដោយសារការរាតត្បាតនៃមេរោគឆ្លង និងបន្ទាប់មកហានិភ័យនៃការវាយប្រហារតាមអាកាស ចាប់តាំងពីការឈ្លានពានរបស់រុស្ស៊ី។

ប៉ុន្តែបន្ទាប់ពីចំណាយពេលពីរបីម៉ោង នៅក្នុងថ្នាក់រៀនថ្មី ដែលបន្ទប់ក្រោមដីមានជម្រៅ ៧ម៉ែត្រ នៅក្នុងលេនដ្ឋានប្រឆាំងវិទ្យុសកម្មដែលមានពន្លឺភ្លឺខ្លាំង ក្មេងស្រីអាយុ ១២ឆ្នាំ មានអារម្មណ៍ជឿជាក់ឡើងវិញ។

ក្មេងស្រីនេះ បានប្រាប់សារព័ត៌មាន AFPថា នឹងមិនមានគ្រាប់បែកទេ ការវាយប្រហារណាមួយ។ ខ្ញុំមានសុវត្ថិភាព»។  

រដ្ឋាភិបាលអ៊ុយក្រែន បាននិងកំពុងធ្វើការ ដើម្បីនាំកុមារដូចជា Sofia ត្រឡប់ទៅថ្នាក់រៀនវិញ ចំពេលមានការព្រួយបារម្ភថា ការរៀនពីចម្ងាយ កំពុងជះឥទ្ធិពលដល់ការសិក្សារបស់ពួកគេ ពោលគឺរយៈពេលបីឆ្នាំ ក្នុងសង្រ្គាម។

យោងតាមអង្គការសហប្រជាជាតិបានឲ្យដឹងថា មានការវាយប្រហារយ៉ាងហោចណាស់ ៥៧៦លើក លើកន្លែងអប់រំ នៅប្រទេសអ៊ុយក្រែន ក្នុងឆ្នាំ ២០២៤ កើនឡើង ៩៦ភាគរយ បើធៀបនឹងឆ្នាំមុន។

សាលារៀនក្រោមដីដូចជា សាលារបស់ Sofia នៅភាគខាងត្បូងនៃទីក្រុង Zaporizhzhia អនុញ្ញាតឲ្យ សិស្សត្រឡប់មកវិញ និងទំនាក់ទំនងជាមួយមិត្តរួមថ្នាក់របស់ពួកគេ ខណៈពេលដែលរក្សាពួកគេឲ្យមានសុវត្ថិភាព ពីការវាយប្រហារ។