អាកាសចរណ៍ស៊ីវិលកម្ពុជា នាព្រឹកថ្ងៃទី២១ ខែកុម្ភៈ ឆ្នាំ២០២៥នេះ​បាន​សហការ​គ្នា​ជាមួយ​មន្រ្តី​ជំនាញ អន្តរក្រសួងរៀបចំធ្វើលំហាត់សមយុទ្ធទ្រង់ទ្រាយធំគ្រប់គ្រងគ្រោះមហន្តរាយ ប្រចាំ​ឆ្នាំ​សំ​ដៅ​លើ​ការហ្វឹកហាត់សាកល្បងដល់ស្ថាប័ន ភ្នាក់ងារពាក់ព័ន្ធ ដើម្បីជាបទពិសោធន៍ និងចំណេះ​ដឹង​លើ​ការងារជួយសង្រ្គោះជនរងគ្រោះ នៅពេលមាន​ឧបទ្ទវហេតុ​គ្រោះថ្នាក់​ធ្លាក់​យន្តហោះ​ជា​យថា​ហេតុ​ណាមួយ។

លំហាត់ហ្វឹកហ្វឺននេះ ក៏នឹងមានការប្រកាសអាសន្នដល់អាជ្ញាធរដែនដី កងកម្លាំងប្រដាប់អាវុធ ក្រុមរថយន្តសង្រ្គោះបន្ទាន់នៅតាមមន្ទីរពេទ្យនានា និងក្រុមពន្លត់អគ្គិភ័យដែលមានទីតាំងនៅរាជធានីភ្នំពេញផងដែរ ក្នុងនោះមានការដុតប្រេង និងកង់ឡានចាស់ៗ ដើម្បីបង្កើតជាអណ្តាតភ្លើង និងផ្សែងខ្មួល ខ្មាញ់(ជាសិប្បនិម្មិតនៃការធ្លាក់យន្តហោះ) ដែលជាប្រធានបទក្នុងការធ្វើលំហាត់សមយុទ្ធនេះ ដើម្បីបញ្ជៀសបាននូវការភាន់ច្រឡំពីសាធារណជន ដែលរស់នៅជុំវិញអាកាសយានដ្ឋានអន្តរជាតិភ្នំពេញ និងក្នុង រាជធានីភ្នំពេញ។ លំហាត់ហ្វឹកហ្វឺននេះ នឹងមានក្រុមហ៊ុនអាកាសចរណ៍ជាតិ និងអន្តរជាតិជាច្រើន ចូលរួម ដើម្បីជាការផ្លាស់ប្តូរបទពិសោធន៍គ្នាទៅវិញទៅមក ក្នុងការអន្តរាគមន៍ និងជួយសង្រ្គោះដល់ជនរងគ្រោះ ពីយថាហេតុដោយសារធ្លាក់យន្តហោះនោះ៕ អត្ថបទបាន ចក់