រដ្ឋមន្ត្រីការបរទេសសហរដ្ឋអាមេរិក លោក Marco Rubio បានច្រានចោលការចោទប្រកាន់ដែលថា រដ្ឋបាលលោក ត្រាំ បានចុះចាញ់រុស្ស៊ី នៅមុនពេលកិច្ចពិភាក្សាស្តីពីការបញ្ចប់សង្គ្រាមអ៊ុយក្រែន ចាប់ផ្តើមដោយនិយាយថា ទីក្រុងវ៉ាស៊ីនតោន ចង់ឃើញជាមុនថាតើទីក្រុងមូស្គូ មានភាពហ្មត់ចត់ឬអត់។

ប្រទេសរុស្ស៊ីនិងអាមេរិក បានព្រមព្រៀងគ្នា ក្នុងការបង្កើតក្រុម ដើម្បីចរចាបញ្ចប់សង្គ្រាម នៅពេលកិច្ចចរចា ក្នុងទីក្រុងរីយ៉ាដ នៅដើមសប្តាហ៍នេះ។ ទាំងអ៊ុយក្រែន និងសម្ព័ន្ធមិត្តអឺរ៉ុប មិនត្រូវបានអញ្ជើញឲ្យចូលរួមទេ។

លោក Rubio បាននិយាយនៅក្នុងបទសម្ភាសន៍មួយ កាលពីថ្ងៃព្រហស្បតិ៍ ដែលបានបង្ហោះនៅលើបណ្តាញសង្គម X ថា ប្រធានាធិបតីអាមេរិក លោក ដូណាល់ ត្រាំ «ចង់ឲ្យសង្គ្រាមជាមួយអ៊ុយក្រែន ត្រូចបញ្ចប់ ហើយលោក ចង់ដឹង៖ «តើជនជាតិរុស្ស៊ី មានភាពម៉ឺងម៉ាត់ក្នុងការបញ្ចប់សង្រ្គាម ឬមិនមានភាពហ្មត់ចត់ចំពោះការបញ្ចប់សង្រ្គាមនេះឬយ៉ាងណា?»។

លោក Rubio បានប្រាប់អ្នកសារព័ត៌មាន អ្នកស្រី Catherine Herridge ថា៖«មធ្យោបាយតែមួយគត់ គឺត្រូវសាកល្បងពួកគេ ដើម្បីចូលរួមជាមួយពួកគេជាមូលដ្ឋាន ហើយនិយាយថា មិនអីទេ តើអ្នកពិតជាមានភាពម៉ឺងម៉ាត់ ក្នុងការបញ្ចប់សង្រ្គាមដែរឬទេ ហើយប្រសិនបើដូច្នេះ តើអ្នកទាមទារអ្វីខ្លះ»។

លោកក៏បាននិយាយផងដែរថា លោកមិនមែនជាអ្នកគាំទ្រដល់ភាគច្រើននៃអ្វីដែល(ប្រធានាធិបតីរុស្ស៊ី) លោក វ្ល៉ាឌីមៀ ពូទីន បានធ្វើនោះទេ។