អគ្គលេខាធិការរងអង្គការសហប្រជាជាតិសម្រាប់ប្រតិបត្តិការសន្តិភាព លោក Jean-Pierre Lacroix បានព្រមានកាលពីថ្ងៃសុក្រថា ជម្លោះនៅក្នុងសាធារណរដ្ឋប្រជាធិបតេយ្យកុងហ្គោ (DRC) អាចបន្តទៅជាវិបត្តិក្នុងតំបន់ កាន់តែទូលំទូលាយ។

លោក Lacroix បាននិយាយនៅលើវេទិកាប្រព័ន្ធផ្សព្វផ្សាយសង្គម Xថា៖«សក្តានុពលសម្រាប់ការកើតឡើងវិបត្តិក្នុងតំបន់ ចេញពីជម្លោះនៅក្នុងប្រទេសកុងហ្គោ គឺជាការពិត» ដោយសំដៅទៅលើស្ថានភាពមនុស្សធម៌ ដែលកាន់តែអាក្រក់ នៅក្នុងប្រទេសនេះ គួរឲ្យកត់សម្គាល់ថា ត្រូវបានរំខានដោយការរុលចូលទៅមុខនៃចលនាឧទ្ទាម M23 ។

កម្លាំងឧទ្ទាមបានដណ្តើមយកទីក្រុង និងទីប្រជុំជនជាច្រើន រួមទាំងទីក្រុង Goma និង Bukavu ដែលជារាជធានីនៃខេត្ត North Kivu និង South Kivu រៀងៗខ្លួន ខណៈពេលដែលបង្កើនការវាយលុករបស់ពួកគេនៅក្នុងខេត្តទាំងពីរនេះ។

ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន (UNHCR) បាននិយាយកាលពីថ្ងៃសុក្រថា ជនជាតិកុងហ្គោជាង ៤០០.000នាក់ ដែលភាគច្រើនជាស្ត្រី និងកុមារ បានមកដល់ប្រទេសប៊ូរុនឌី ចាប់តាំងពីខែកុម្ភៈ ដើម្បីទទួលបានការការពារពីអន្តរជាតិ។ នៅខេត្ត North Kivu មនុស្សជាង ៥០០.000 ត្រូវបានបង្ខំឲ្យភៀសខ្លួន ចេញពីផ្ទះរបស់ពួកគេ តែក្នុងខែមករាប៉ុណ្ណោះ។