បាតុករប្រហែល ៣ពាន់នាក់ នាំគ្នាដង្ហែរក្បួនឆ្ពោះទៅកាន់ស្ថានទូតរុស្ស៊ីស្ថិតក្នុងទីក្រុងឡុងដ្រ៍ ចក្រភពអង់គ្លេស មុនខួបលើកទី ៣នៃការវាយលុកពេញលេញរបស់រុស្ស៊ីលើអ៊ុយក្រែន ។

ក្រុមបាតុករដែលតុបតែងខ្លួនជាមួយទង់ជាតិអង់គ្លេស អ៊ុយក្រែន និងអឺរ៉ុបនោះ នាំគ្នាកាប់បដាសរសេរពាក្យ “ពួកយើងនឹងស្រែកមុខផ្នូរលោក Putin ” និង “ភេរវកម្មកុម្មុយនិស្តលែងមានទៀតហើយ”

អ្នកនាង Nicole Morrigan គឺជាបាតុករមួយរូប និយាយថា នាងគិតថា មនុស្សទូទៅបានបង្ហាញថាពួកគេគាំទ្រអ៊ុយក្រែន ហើយនិងបន្តគាំទ្រអ៊ុយក្រែន មិនសំខាន់ថាលោក Trumpនិយាយបែបណានោះទេ ហើយនាងគិតដែរថា មានការគាំទ្រច្រើនណាស់នៅសហរដ្ឋអាមេរិកសម្រាប់អ៊ុយក្រែន ។

សូមបញ្ជាក់ថា នៅថ្ងៃចន្ទ ទី ២៤ ស្អែកនេះ គឺជាខួបរយៈពេល ៣ឆ្នាំ ចាប់តាំងពីប្រធានាធិបតីរុស្ស៊ីលោក Vladimir Putin បញ្ជូនទាហានរាប់ម៉ឺនរាប់សែននាក់ ទៅកាន់តំបន់ព្រំដែនចូលទៅក្នុងប្រទេសអ៊ុយក្រែន បើទោះបីជាជម្លោះនៅតំបន់ភាគខាងកើតប្រទេសអ៊ុយក្រែន បានចាប់ផ្តើមឡើងកាលពីដើមឆ្នាំ ២០១៤ក៏ដោយ ៕