កងទ័ពស៊ូដង់បាននិយាយកាលពីថ្ងៃអាទិត្យថា ខ្លួនបានបំបែកការឡោមព័ទ្ធ ដែលដាក់ដោយកងកម្លាំងយោធាប៉ារ៉ាគាំទ្ររហ័ស (RSF) នៅលើរដ្ឋធានីរដ្ឋស៊ូដង់ភាគខាងត្បូងដ៏សំខាន់មួយ ចាប់តាំងពីសង្រ្គាម បានចាប់ផ្តើម នៅក្នុងខែមេសា ឆ្នាំ ២០២៣។

អ្នកនាំពាក្យកងទ័ពលោក Nabil Abdallah បាននិយាយនៅក្នុងសេចក្តីថ្លែងការណ៍មួយថា កងកម្លាំងនៅក្នុងរដ្ឋ North Kordofan «បានប្រឹងប្រែងដើម្បីបើកផ្លូវទៅកាន់ទីក្រុង El-Obeid ឡើងវិញ និងបញ្ចូលចូលគ្នា» ជាមួយទាហាន នៅភាគខាងកើតទីក្រុងនេះ។

ទីក្រុង El-Obeid ដែលជាបេះដូងនៃតំបន់ Kordofan នៃប្រទេសស៊ូដង់ ស្ថិតនៅផ្លូវបំបែកដ៏សំខាន់មួយ ដែលតភ្ជាប់ទីក្រុងខាទុំ ( Khartoum) ទៅកាន់តំបន់ Darfur ភាគខាងលិចរបស់ប្រទេសនេះ ដែលកងកម្លាំងយោធាប៉ារ៉ាគាំទ្ររហ័ស (RSF) ដណ្តើមបានទាំងអស់ ប៉ុន្តែមិនបានកាន់កាប់។

ប្រភពយោធាមួយ បាននិយាយថា៖«សារៈសំខាន់ជាយុទ្ធសាស្ត្ររបស់ទីក្រុង El-Obeid ជាពិសេសព្រលានយន្តហោះ និងទីតាំងរបស់ខ្លួន ដែលភ្ជាប់ភាគខាងលិចស៊ូដង់ជាមួយកណ្តាល និងភាគខាងត្បូង ធ្វើឲ្យ ប្រតិបត្តិការនាពេលបច្ចុប្បន្ន ក្លាយជាផ្នែកមួយដ៏សំខាន់បំផុតផ្នែកយោធា»។

រដ្ឋមន្ត្រីហិរញ្ញវត្ថុរបស់ស៊ូដង់ នៅក្នុងរដ្ឋាភិបាលនេះ បានពណ៌នាការបំបែកការឡោមព័ទ្ធថា ជាស្ថានភាពផ្លាស់ប្តូរនៃជម្លោះនេះ។