ឯកអគ្គរដ្ឋទូត អារ៉ាប៊ីសាអ៊ូឌីត ប្រចាំនៅចក្រភពអង់គ្លេស ព្រះអង្គម្ចាស់ Khalid bin Bandar បានបញ្ជាក់សាជាថ្មីពីជំហររបស់ទីក្រុងរីយ៉ាដ ដែលថា ដំណោះស្រាយរដ្ឋពីរ នៅតែជាមាគ៌ា ដែលអាចសម្រេចបានតែមួយគត់ ក្នុងការដោះស្រាយបញ្ហាប៉ាឡេស្ទីន។

ថ្លែងកាលពីថ្ងៃសុក្រនៅពេលកិច្ចពិភាក្សាជាមួយនិពន្ធនាយកសារព័ត៌មាន Arab លោក Faisal Abbas ដែលរៀបចំឡើងដោយក្រុមអ្នកស្រាវជ្រាវមានមូលដ្ឋាននៅវិទ្យាស្ថានស្រាវជ្រាវ MENA SRMG Think លោកឯកអគ្គរាជទូត បានបញ្ជាក់យ៉ាងច្បាស់ថា ព្រះរាជាណាចក្រនេះ បដិសេធរាល់ទស្សនៈនៃដំណោះស្រាយរដ្ឋតែមួយ។

លោកបានបន្តថា៖«ការពិភាក្សាកំពុងតែកើតឡើង ហើយនៅក្នុងកិច្ចប្រជុំកំពូលអារ៉ាប់ នឹងមានការព្រមព្រៀងគ្នា»។ «វាហាក់ដូចជាលឿនបន្តិចសម្រាប់ខ្ញុំ ក្នុងការនិយាយអំពីបញ្ហានេះ ប៉ុន្តែខ្ញុំអាចប្រាប់អ្នកថា យើងមិនស្មានថា មិនឃើញអ្វីនោះទេ។ នៅពេលភ្លាមៗនេះ គ្មានដំណោះស្រាយរដ្ឋមួយទេ។ តាមដែលយើងបារម្ភ យើងមិនឃើញការផ្លាស់ទីលំនៅរបស់ប្រជាជនហ្កាហ្សា ជាវិធីសាស្ត្រដែលមានប្រសិទ្ធភាព ដើម្បីសម្រេចបាននូវវិបុលភាពនោះទេ»។

ការអត្ថាធិប្បាយរបស់លលោក បានកើតឡើង នៅពេលដែលក្រុមមេដឹកនាំមកពីក្រុមប្រឹក្សាសហប្រតិបត្តិការឈូងសមុទ្រ (GCC) ហ្ស៊កដានី និងអេហ្ស៊ីប បានកោះប្រជុំនៅទីក្រុងរីយ៉ាដ មុនពេលកិច្ចប្រជុំកំពូលអារ៉ាប់គ្រាអាសន្ន នៅទីក្រុងគែរ ដែលបានកំណត់ នៅថ្ងៃទី ០៤ ខែមីនា។ កិច្ចប្រជុំនេះ ផ្តោតលើកិច្ចខិតខំប្រឹងប្រែងសម្របសម្រួល ក្នុងការគាំទ្រប៉ាឡេស្ទីន ការវិវឌ្ឍនៅតំបន់ហ្កាហ្សា និងបញ្ហាក្នុងតំបន់កាន់     តែទូលំទូលាយ។