រដ្ឋមន្ត្រីការបរទេស Penny Wong បានថ្លែងថា ប្រទេសអូស្ត្រាលី បានប្រកាសនូវកញ្ចប់ថ្មីនៃទណ្ឌកម្មប្រឆាំងរុស្ស៊ី។

លោកស្រី Wong បាននិយាយថា៖«រដ្ឋាភិបាលអូស្ត្រាលីថ្ងៃនេះ បានដាក់ទណ្ឌកម្មហិរញ្ញវត្ថុដែលត្រូវបានគោលដៅបន្ថែមទៀត និងការហាមឃាត់ការធ្វើដំណើរលើមនុស្ស ៧០នាក់ និងបានកំណត់គោលដៅទណ្ឌកម្មហិរញ្ញវត្ថុលើអង្គភាពចំនួន ៧៩។ លោកស្រីរដ្ឋមន្ត្រី បានកត់សម្គាល់ថា៖«នេះគឺជាកញ្ចប់ទណ្ឌកម្មដ៏ធំបំផុតរបស់អូស្ត្រាលី ចាប់តាំងពីខែកុម្ភៈ ឆ្នាំ ២០២២»។

លោកស្រី Wong បានជូនដំណឹងថា ប្រទេសអូស្ត្រាលី «រឹតបន្តឹងបម្រាមពាណិជ្ជកម្មបន្ថែមទៀតលើប្រទេសរុស្ស៊ី ដោយហាមឃាត់ការផ្គត់ផ្គង់យានដ្រូន និងគ្រឿងបន្លាស់ រួមទាំងការផ្តល់សេវាពាក់ព័ន្ធ»។

រដ្ឋាភិបាលអូស្ត្រាលី បានប្រកាសដាក់ការរឹតបន្តឹងប្រឆាំងនឹងរុស្ស៊ីជាង ៣០ដងមកហើយ ចាប់តាំងពីខែ   មីនា ឆ្នាំ ២០១៤។