មេដឹកនាំក្រុមហេសបូឡា បាននិយាយថា «ការតស៊ូ» មិនទាន់ចប់ទេ ខណៈដែលមនុស្សរាប់រយពាន់នាក់បានកាន់ទុក្ខលោក Hassan Nasrallah កាលពីថ្ងៃអាទិត្យ នៅឯពិធីបុណ្យសព នៅទីក្រុងបេរូត ដែលបង្ហាញពីការបន្តគាំទ្រក្រុមនេះ បន្ទាប់ពីសង្គ្រាមដ៏មហន្តរាយជាមួយអ៊ីស្រាអែល។

ក្នុងអំឡុងពេលពិធីបុណ្យសព ស្ត្រីយំសោកស្តាយ ខណៈដែលរថយន្តដឹកមឈូសរបស់លោក Nasrallah និងអ្នកស្នងតំណែង លោក Hashem Safieddine ទាំងពីរនាក់ត្រូវបានសម្លាប់ នៅក្នុងការវាយប្រហាររបស់អ៊ីស្រាអែល បានរំកិលយឺតៗ ឆ្លងកាត់ហ្វូងមនុស្ស ដែលពាក់ឈ្នួតក្បាលពណ៌ខ្មៅ និងកាន់ពាក់ទង់ពណ៌លឿងរបស់ក្រុមហេសបូឡា។

ក្បួនដង្ហែឆ្ពោះទៅកាន់កន្លែងបញ្ចុះសពរបស់លោក Nasrallah នៅជិតអាកាសយានដ្ឋាន ជាកន្លែងដែលមនុស្សរត់ជាន់គ្នា បានផ្ទុះឡើង។ ការផ្សាយបន្តផ្ទាល់ដោយទូរទស្សន៍ Al-Manar TV បានបង្ហាញសមាជិកក្រុមហេសបូឡា ក្នុងឯកសណ្ឋានយោធា បានរុញហ្វូងមនុស្សចេញពីមឈូស បន្ទាប់ពីវាត្រូវបានលើកចេញពីរថយន្ត មុនពេលបញ្ចុះសព។

លោក Safieddine ត្រូវបានកប់ នៅក្នុងស្រុកកំណើតនៅភាគខាងត្បូងរបស់លោក គឺស្រុក Deir Qanun Al-Nahr នៅថ្ងៃចន្ទនេះ។

ការសម្លាប់កាលពីខែកញ្ញា លើមេដឹកនាំដែលមានចិត្តសប្បុរស ដែលបានដឹកនាំក្រុមហេសបូឡា អស់រយៈពេលជាង ៣ ទសវត្សរ៍ នៅក្នុងការវាយប្រហារដ៏ធំរបស់អ៊ីស្រាអែល បានធ្វើឲ្យមានផលប៉ះពាល់យ៉ាងធ្ងន់ធ្ងរ ដល់ក្រុមដែលគាំទ្រដោយអ៊ីរ៉ង់។