មេដឹកនាំក្រុមហេសបូឡាលោក Naim Qassem និយាយកាលពីថ្ងៃអាទិត្យថា ក្រុមរបស់លោកនឹងពុំអាចទទួលយកបានឡើយការបន្តសម្លាប់ពួកយើង និងការកាន់កាប់ អំឡុងសុន្ទរកថាពីចម្ងាយទៅកាន់ក្រុមអ្នកកាន់ទុកចូលរួមពិធីបុណ្យសពរបស់អតីតមេដឹកនាំក្រុមហេសបូឡាលោក Hassan Nasrallah ដែលត្រូវបានសម្លាប់ដោយអ៊ីស្រាអែល ។

សុន្ទរកថារបស់លោក Qassem ទៅកាន់ក្រុមអ្នកកាន់ទុក្ខ ត្រូវបានចាក់ផ្សាយលើកញ្ចក់អេក្រង់ ចេញពីទីតាំងពុំបានបង្ហាញមួយកន្លែង ។ 

មនុស្សរាប់ម៉ឺននាក់ បានធ្វើពិធីលាគ្នាជាលើកចុងក្រោយទៅកាន់លោក Hassan Nasrallah នៅក្នុងពិធីបុណ្យសពដ៏ធំមួយកាលពីថ្ងៃអាទិត្យ រយៈពេលជិត ៥ខែ ក្រោយរូបលោកត្រូវបានសម្លាប់នៅក្នុងការវាយប្រហារតាមច្រកអាកាសរបស់អ៊ីស្រាអែល ធ្វើឲ្យវាក្លាយជាការប៉ះទង្គិចដ៏គួរឲ្យភ្ញាក់ផ្អើលមួយដល់ក្រុមគាំទ្រដោយអ៊ីរ៉ង់មួយនេះ ។

ការសម្លាប់លោក Nasrallah ដែលដឹកនាំក្រុមមូស្លីមនិកាយស៊ីអ៊ីតឆ្លងកាត់ជម្លោះរយៈពេលរាប់ទសវត្សរ៍ជាមួយអ៊ីស្រាអែល និងត្រួតត្រាការផ្លាស់ប្តូររបស់ពួកគេទៅជាកងកម្លាំងយោធាជាមួយឥទ្ធិពលក្នុងតំបន់នោះ ស្ថិតក្នុងចំណោមជោគជ័យដោយបើកចំហរមួយរបស់អ៊ីស្រាអែល ដែលបានធ្វើឲ្យក្រុមហេសប៊ូឡាទន់ខ្សោយយ៉ាងខ្លាំង ។

កាន់រូបថតសន្លឹករបស់លោក Nasrallah និងទង់ក្រុមហេសបូឡា ក្រុមអ្នកគាំទ្រមកពីលីបង់ និងប្រទេសផ្សេងទៀតនៅក្នុងតំបន់ បានជួបជុំគ្នានៅក្នុងពហុកីឡដ្ឋាន Camille Chamoun Sports City ដែលអាចផ្ទុកទស្សនិកជន ៥៥.០០០នាក់ ស្ថិតក្នុងតំបន់ជាយក្រុងបេរូតគ្រប់គ្រងដោយក្រុមហេសបូឡា ៕