អាជ្ញាធរនៅភាគខាងត្បូងទីក្រុង Telangana របស់ប្រទេសឥណ្ឌា បានបង្កើនកិច្ចខិតខំប្រឹងប្រែងរបស់ពួកគេ ក្នុងការជួយសង្គ្រោះកម្មករ៨នាក់ដែលបានជាប់នៅក្នុងផ្លូវរូងក្រោមដីកំពុងសាងសង់ កាលពីថ្ងៃចន្ទ ទី២៤ ខែកុម្ភៈ។ ឧបទ្ទវហេតុនេះបានកើតឡើង បន្ទាប់ពីផ្នែកនៃផ្លូវរូងក្រោមដីមួយកន្លែង បានបាក់សង្កត់លើកម្មករនៅផ្នែកខាងក្នុង។

ក្រុមមួយ ដែលមានកងទ័ពឥណ្ឌា កងកម្លាំងឆ្លើយតបគ្រោះមហន្តរាយជាតិ(NDRF) និងកងកម្លាំងឆ្លើយតបគ្រោះមហន្តរាយរដ្ឋ(SDRF) ត្រូវបានគេមើលឃើញនៅខាងក្រៅទីតាំងផ្លូវរូងក្រោមដីដោយមានឧបករណ៍សម្រាប់កិច្ចខិតខំប្រឹងប្រែងជួយសង្គ្រោះ។

យោងតាមសេចក្តីរាយការណ៍បានឲ្យដឹងថា ទឹកបានជ្រាបចូលទៅក្នុងផ្លូវរូងក្រោមដី ហើយ «បញ្ហាធំបំផុតនៅទីនេះ គឺទឹកជ្រាបចូល»។ គ្រួសារកម្មករម្នាក់ក្នុងចំណោមកម្មករដែលជាប់នៅក្នុងផ្លូវរូង ឈ្មោះ Sunny Singh នៅតែពុំអាចលួងលោមចិត្តបាន បន្ទាប់ពីដំណឹងអំពីកូនប្រុសរបស់គាត់បានទៅដល់។

សមាជិកគ្រួសារជាច្រើន បានបន្តរង់ចាំយ៉ាងអន្ទះសារសម្រាប់មនុស្សជាទីស្រលាញ់របស់ពួកគេ ដែលជាប់នៅខាងក្នុងផ្លូវរូងក្រោមដី។