រដ្ឋមន្ត្រីក្រសួងមហាផ្ទៃលោក Ali Yerlikaya បាននិយាយកាលពីថ្ងៃចន្ទថា អាជ្ញាធរទួរគី បានឃាត់ខ្លួនសមាជិក៩២នាក់របស់ក្រុមរដ្ឋឥស្លាម (IS) កាលពីសប្តាហ៍មុននេះ។

លោករដ្ឋមន្ត្រី បានលើកឡើង នៅលើវេទិកាប្រព័ន្ធផ្សព្វផ្សាយសង្គម X ថា ប្រតិបត្តិការដែលមានឈ្មោះថា «Gurz-47» ត្រូវបានធ្វើឡើង នៅទូទាំង ១៦ខេត្ត រួមទាំងទីក្រុងអង់ការ៉ា និងអ៊ីស្តង់ប៊ុល។

លោកបាននិយាយថា អាជ្ញាធរបានកំណត់ថា ជនសង្ស័យបានធ្វើសកម្មភាពរបស់ក្រុម IS «ដែលមានការទទួលខុសត្រូវ»។

លោក Yerlikaya បានបញ្ជាក់ថា កងកម្លាំងសន្តិសុខ បានរឹបអូសអាវុធដែលគ្មានអាជ្ញាប័ណ្ណ និងឯកសារគ្រប់គ្រង និងសម្ភារៈឌីជីថលមួយចំនួនធំ ក្នុងអំឡុងពេលវាយឆ្មក់។

ប្រទេសទួរគី បានចាត់ទុក IS ជាអង្គការភេរវកម្ម នៅក្នុងឆ្នាំ ២០១៣ ដោយបានស្តីបន្ទោសក្រុមនេះ ចំពោះការវាយប្រហារដ៏សាហាវ នៅក្នុងប្រទេស។ ទីក្រុងអង់ការ៉ា បានធ្វើប្រតិបត្តិការប្រឆាំងភេរវកម្ម ក្នុង និងក្រៅប្រទេស ដើម្បីបង្ក្រាបសមាជិក និងសកម្មភាពរបស់ខ្លួន។