ប្រធានាធិបតីម៉ិកស៊ិកលោកស្រី Claudia Sheinbaum បាននិយាយកាលពីថ្ងៃចន្ទថា៖«ប្រទេសម៉ិកស៊ិកត្រូវតែត្រូវបានគោរព យើងមិនមែនជាអាណានិគម ឬរដ្ឋចម្រុះរបស់ប្រទេសណាមួយនោះទេ»។

ខណៈពេលកំពុងធ្វើជាអធិបតីក្នុងពិធីបុណ្យ Flag Day នៅតំបន់ Campo Marte ដែលជាទីលានជិះសេះរបស់យោធា លោកស្រីប្រធានាធិបតី បានគូសបញ្ជាក់ពីគំនិតផ្តួចផ្តើមកំណែទម្រង់រដ្ឋធម្មនុញ្ញ ដើម្បីការពារប្រទេសនេះពីការជ្រៀតជ្រែករបស់បរទេស ដោយបញ្ជាក់ថា «វាមិនដូចកាលពីមុនទៀតទេ នៅពេលដែលរដ្ឋាភិបាលលុតជង្គង់ នៅចំពោះមុខរដ្ឋាភិបាលបរទេស ឬមើលទៅបរទេស ដើម្បីយកគំរូ មកអនុវត្តតាម» ។

លោកស្រី បាននិយាយថា កំណែទម្រង់ដែលបានស្នើឡើង មានគោលបំណង «រំលឹកពិភពលោកទាំងមូលថា ម៉ិកស៊ិក គឺជាប្រទេសសេរី ឯករាជ្យ និងអធិបតេយ្យភាព ហើយប្រជាជនរបស់ខ្លួន មិនអនុញ្ញាតឲ្យមានការរំលោភលើអធិបតេយ្យភាពរបស់ខ្លួនឡើយ»។

លោកស្រីបានសង្កត់ធ្ងន់ថា៖«គំនិតផ្តួចផ្តើមនេះ បញ្ជាក់ថា ស្ថិតក្នុងកាលៈទេសៈណាក៏ដោយ ប្រជាជន   ម៉ិកស៊ិក នឹងមិនទទួលយកការអន្តរាគមន៍ ការជ្រៀតជ្រែក ឬសកម្មភាពណាមួយពីបរទេស ដែលបង្កគ្រោះថ្នាក់ដល់បូរណភាព ឯករាជ្យ និងអធិបតេយ្យភាពរបស់ប្រទេសជាតិឡើយ»។