មន្ត្រីសន្តិសុខជាន់ខ្ពស់រុស្ស៊ីលោក Sergei Shoigu បានជួបពិភាក្សា ជាមួយប្រធានាធិបតី Prabowo Subianto និងរដ្ឋមន្ត្រីការពារជាតិរបស់លោក ក្នុងប្រទេសឥណ្ឌូនេស៊ី កាលពីថ្ងៃអង្គារ ខណៈដែលទីក្រុងមូស្គូ និងទីក្រុងហ្សាការតា ស្វែងរកការជំរុញទំនាក់ទំនងការពារជាតិ។

ប្រទេសសេដ្ឋកិច្ចដ៏ធំបំផុតរបស់អាស៊ីអាគ្នេយ៍ រក្សាគោលនយោបាយការបរទេសអព្យាក្រឹត ដោយបដិសេធមិនគាំទ្រភាគីណាមួយ ក្នុងជម្លោះអ៊ុយក្រែន ឬក្នុងការប្រកួតប្រជែងអំណាចដ៏អស្ចារ្យ រវាងសហរដ្ឋអាមេរិក និងចិន។

លោក Shoigu ដែលជាអតីតរដ្ឋមន្ត្រីការពារជាតិរបស់រុស្ស៊ី និងបច្ចុប្បន្នជាលេខាធិការនៃក្រុមប្រឹក្សាសន្តិសុខរបស់ខ្លួន ត្រូវបានគេមើលឃើញថា មានឥទ្ធិពលក្នុងការសម្រេចចិត្តបញ្ជូនទាហានរុស្ស៊ី ចូលទៅក្នុងអ៊ុយក្រែន ក្នុងឆ្នាំ ២០២២ និងជាសម្ព័ន្ធមិត្តដ៏រឹងមាំរបស់លោកប្រធានាធិបតី វ្ល៉ាឌីមៀ ពូទីន (Vladimir Putin)។

ក្រសួងការពារជាតិឥណ្ឌូនេស៊ី បានបញ្ជាក់នៅក្នុងសេចក្តីថ្លែងការណ៍មួយថា លោក Shoigu បានជួបរដ្ឋ  មន្ត្រីការពារជាតិលោក Sjafrie Sjamsoeddin ដើម្បីសម្តែងការគួរសម ក្នុងរដ្ឋធានីហ្សាការតា នៅព្រឹកថ្ងៃអង្គារនេះ។

វិមានប្រធានាធិបតី បានឲ្យដឹងនៅក្នុងសេចក្តីថ្លែងការណ៍មួយថា បន្ទាប់មក លោក Prabowo បានទទួលលោក Shoigu នៅវិមានប្រធានាធិបតី នៅរសៀលថ្ងៃនេះ។