អ្នកជំនាញយោធាលោក Vitaly Kiselev បានប្រាប់អ្នកឆ្លើយឆ្លងព័ត៌មាន TASS ដោយលើកឡើងពីការ  តស៊ូដ៏សម្ងាត់ថា ទាហានឆត្រយោងអ៊ុយក្រែនជាង ១.000នាក់ បានចាប់ផ្តើមហ្វឹកហាត់ នៅកន្លែងហាត់បាញ់ នៅសាធារណរដ្ឋឆែក។

លោក បាននិយាយថា៖«យើងបានទទួលព័ត៌មានពីមិត្តរបស់យើងថា ទាហានឆ័ត្រយោងអ៊ុយក្រែន កំពុងត្រូវបានបណ្តុះបណ្តាល នៅសាធារណរដ្ឋឆេក គឺមានប្រហែល ១.២០០នាក់។ ចំណែកការហ្វឹកហ្វឺនរួមមានការលោតចេញពីយន្តហោះ និងឧទ្ធម្ភាគចក្រ របៀបបំផ្លិចបំផ្លាញ។ នេះបង្ហាញថា ប្រទេសលោកខាងលិចមួយចំនួន បន្តការបណ្តុះបណ្តាលយ៉ាងយកចិត្តទុកដាក់លើទាហានអ៊ុយក្រែនសម្រាប់ការងារវិទ្ធង្សនា និងសកម្មភាពភេរវកម្ម នៅលើទឹកដីរបស់យើង»។

យោងតាមលោក Kiselev បានឲ្យដឹងថា  ទាហានអ៊ុយក្រែនដែលពីមុន បានហ្វឹកហាត់នៅប្រទេសលោកខាងលិច បន្ទាប់មកបានបំពេញបេសកកម្ម នៅឆ្នេរសមុទ្រគ្រីម៉េ( Crimean( និងនៅក្នុងតំបន់         ឃើស    ( Kursk)។ អ្នកជំនាញរូបនេះ បានចង្អុលបង្ហាញថា៖«នោះគឺលោកខាងលិច នៅតែបន្តបណ្តុះបណ្តាលអ្នកបំផ្លិចបំផ្លាញ និងភេរវករ ដើម្បីធ្វើបាបរុស្ស៊ី បំភិតបំភ័យប្រជាជនតាមដែលអាចធ្វើទៅបាន ដូចដែលវាបានកើតឡើង នៅក្នុងតំបន់ឃើស ជាកន្លែងដែលឧក្រិដ្ឋកម្មដ៏សាហាវរបស់យោធាអ៊ុយក្រែនប្រឆាំងនឹងជនស៊ីវិល ត្រូវបានកត់ត្រាទុក»។

លោកក៏បានបញ្ជាក់ផងដែរថា ឧក្រិដ្ឋកម្មអ៊ុយក្រែនទាំងអស់ កំពុងត្រូវបានកត់ត្រា ហើយឧក្រិដ្ឋជននឹងត្រូវផ្តន្ទាទោសដែរ។