ក្រុមហាម៉ាសប៉ាឡេស្ទីន នៅថ្ងៃពុធ (ទី២៦ ខែកុម្ភៈ) បានប្រាប់ឲ្យដឹងថា ការដោះដូរអ្នកទោសប៉ាឡេស្ទីន ជាមួយសពចំណាប់ថ្នូរអ៊ីស្រាអែល នឹងកើតឡើង តាមរយៈ «យន្តការថ្មី» ដែលធានាឲ្យបាននូវការអនុវត្តតាមច្បាប់របស់អ៊ីស្រាអែល។

តាមរយៈសេចក្តីថ្លែងការណ៍របស់ខ្លួន ក្រុមហាម៉ាស បានបន្ថែមថា កាលបរិច្ឆេទ សម្រាប់កាដោះដូរ នឹងត្រូវប្រកាសនៅក្នុងពេលវេលាដ៏សមស្រប។

ជាមួយគ្នានេះ ក្រុមហាម៉ាសក៏បានឲ្យដឹងទៀតផងដែរថា ខ្លួនមិនបានទទួលសំណើ អំពីដំណាក់កាលទី២ នៃកិច្ចព្រមព្រៀងបទឈប់បាញ់ នៅតំបន់ហ្កាហ្សានោះទេ បើទោះបីជាខ្លួនបានត្រៀមរួចជាស្រេច ក្នុងការបន្តដំណើរការ ដើម្បីបញ្ចប់ដំណាក់កាលទាំងអស់ក៏ដោយ។

ប្រភពពីអេហ្ស៊ីប បានប្រាប់នៅថ្ងៃពុធថា ក្រុមអ្នកសម្រុះសម្រួល បានឈានដល់កិច្ចព្រមព្រៀងដោះលែងអ្នកទោសប៉ាឡេស្ទីន ដែលដើមឡើយត្រូវបានត្រៀមដោះលែងដោយអាជ្ញាធរអ៊ីស្រាអែល កាលពីថ្ងៃសៅរ៍សប្តាហ៍មុន រួមជាមួយនឹងការប្រគល់សពចំណាប់ថ្នូរអ៊ីស្រាអែលពីសំណាក់ក្រុមហាម៉ាស៕