លោក Mykola Kalashnyk គឺជាអភិបាលតំបន់គីវ

និយាយនៅថ្ងៃពុធនេះថា ការវាយប្រហារកាលពីយប់កន្លងទៅដោយយានដ្រូនរុស្ស៊ីលើទីក្រុងគីវ

បានសម្លាប់មនុស្សម្នាក់ និងមនុស្ស ២នាក់ផ្សេងទៀត រងរបួស

ហើយនិងបណ្តាលឲ្យផ្ទះសម្បែងប្រជាពលរដ្ឋជាច្រើនខ្នងរងការឆាបឆេះ ។

លោក Kalashnyk និយាយនៅលើបណ្តាញព័ត៌មានសង្គម Telegramថា សាកសពរបស់ជនស៊ីវិលត្រូវបានរកឃើញនៅក្នុងផ្ទះប្រជាពលរដ្ឋដែលរងការឆាបឆេះជាអគ្គិភ័យ

បណ្តាលមកពីការវាយប្រហារនេះ ។

លោក Olha Volkonska

គឺជាពលរដ្ឋមួយរូបរស់នៅក្នុងតំបន់រងការវាយប្រហារ និយាយប្រាប់ទីភ្នាក់ងារព័ត៌មានរ៉យទ័រថា

វាគួរឲ្យខ្លាចខ្លាំងណាស់ ប៉ុន្តែប្រាកដខ្លាំងណាស់ថា ពួកយើងនឹងឈ្នះសង្រ្គាម

ហើយអ្វីៗនឹងល្អប្រសើរឡើងវិញ ។

នៅមិនទាន់មានសេចក្តីអត្ថាធិប្បាយភ្លាមៗនោះទេពីរុស្ស៊ី

ជុំវិញការវាយប្រហារយានដ្រូនចុងក្រោយនេះលើទីក្រុងគីវ ។

ភាគីទាំង ២តែងតែច្រានចោលការមានគោលដៅលើជនស៊ីវិលនៅក្នុងសង្រ្គាមដែលរុស្ស៊ីបានចាប់ផ្តើមកាលពីរយៈពេល

៣ឆ្នាំមុន ប៉ុន្តែជនស៊ីវិលរាប់ពាន់នាក់ ត្រូវបានសម្លាប់នៅក្នុងជម្លោះមួយនេះ ដែលភាគច្រើននៃពួកគេនៅគឺជាជនជាតិអ៊ុយក្រែន

៕