ប្រធានាធិបតីអាមេរិក លោក Donald Trump បាននិយាយកាលពីថ្ងៃពុធ ២៦ កុម្ភៈថា ការសម្រេចចិត្តមួយអំពីរបៀបឆ្ពោះទៅមុខជាមួយបទឈប់បាញ់នៅតំបន់ហ្កាហ្សា ត្រូវតែធ្វើឡើងដោយអ៊ីស្រាអែល។

ប្រជាជនអ៊ីស្រាអែលកាន់ទុក្ខក្រុមគ្រួសារជានិមិត្តរូបនៃការស្លាប់ និងការឈឺចាប់នៃប្រទេសរបស់ពួកគេ ក្នុងការវាយប្រហារដឹកនាំដោយក្រុមហាម៉ាសកាលពីថ្ងៃទី ៧ខែតុលា ឆ្នាំ ២០២៣ ខណៈក្រុមសកម្មប្រយុទ្ធប៉ាឡេស្ទីនបានយល់ព្រមប្រគល់សាកសពចំណាប់ខ្មាំងចុងក្រោយដែលរួមទាំងក្នុងដំណាក់កាលដំបូងនៃបទឈប់បាញ់នៅតំបន់ហ្កាហ្សាផងដែរ។

ការិយាល័យនាយករដ្ឋមន្ត្រីអ៊ីស្រាអែល Benjamin Netanyahu បាននិយាយថា កិច្ចព្រមព្រៀងមួយត្រូវបានឈានដល់សម្រាប់ការប្រគល់សាកសពចំណាប់ខ្មាំងបួននាក់ដែលបានស្លាប់។

ក្រុមហាម៉ាស បានប្រគល់សាកសពចំណាប់ថ្នូរអ៊ីស្រាអែល ៤នាក់ ជាថ្នូរអ្នកទោសប៉ាឡេស្ទីនរាប់រយនាក់ ដែលត្រូវបានដោះលែងដោយអ៊ីស្រាអែល ក្រោយការពន្យារពេលក្នុងការផ្លាស់ប្តូរចុងក្រោយ ជាផ្នែកមួយនៃបទឈប់បាញ់ដ៏ផុយស្រួយនៅដែនដីហ្កាហ្សា។

បទឈប់បាញ់ដំណាក់កាលដំបូងរួមទាំងការដោះដូរចំណាប់ខ្មាំងអ៊ីស្រាអែលចំនួន៣៣នាក់ ជាថ្នូរនឹងអ្នកទោស និងអ្នកជាប់ឃុំប៉ាឡេស្ទីនសរុបប្រមាណ២.០០០នាក់ និងការដកទ័ព្ទអ៊ីស្រាអែលពីទីតាំងមួយចំនួនក្នុងដែនដីហ្កាហ្សា ព្រមទាំងបើកឲ្យមានការដឹកជញ្ជូនជំនួយចូលដែនដីនេះ។

ស្របពេលបទឈប់បាញ់ដំណាក់កាលទី១រវាងអ៊ីស្រាអែលនឹងក្រុមហាម៉ាសនៅហ្កាហ្សាជិតដល់ថ្ងៃផុតកំណត់ បទឈប់បាញ់ដំណាក់កាលទី២នៅតែមិនទាន់ច្បាស់នៅឡើយ៕