ប្រធានាធិបតីសហរដ្ឋអាមេរិក លោក Donald Trump កាលពីថ្ងៃពុធ បាននិយាយថា ទិដ្ឋាការ «ប័ណ្ណមាស» ដែលត្រូវបានស្នើឡើងតម្លៃ៥លានដុល្លាររបស់លោក នឹងជួយប្រទេសប្រទេសរបស់លោក ខណៈកំពុងផ្តល់ដល់ក្រុមហ៊ុនកំពូលៗនូវមធ្យោបាយមួយ ដើម្បីទាក់ទាញកម្មករអន្តោប្រវេសន៍។

លោក Trump បាននិយាយថា ប្រទេសនេះនឹងចាប់ផ្តើមលក់ទិដ្ឋាការក្នុងរយៈពេលប្រហែលពីរសប្តាហ៍។

នាយកប្រតិបត្តិ និងជាប្រធានក្រុមហ៊ុន Latitude Group លោក Eric Major បាននិយាយថា កម្មវិធីទិដ្ឋាការរបស់លោក Trump មិនទំនងជាបង្កឱ្យមានលំហូរចូលច្រើននៃអ្នកវិនិយោគមានទ្រព្យសម្បត្តិ លើពិភពលោក ដែលនឹងស្វែងរកសញ្ជាតិអាមេរិកនោះទេ ដោយសារតែមានការព្រួយបារម្ភអំពីពន្ធកើនឡើងខ្ពស់។

ក្រុមហ៊ុន Latitude គឺជាក្រុមអ្នកឯកទេសវិនិយោគខាងអន្តោប្រវេសន៍ ដែលផ្តល់ដំណោះស្រាយលំនៅឋាន និងសញ្ជាតិ ដើម្បីជួយសម្រួលដល់ការចល័តលើពិភពលោក។

លោក Trump បាននិយាយថា លោកមានផែនការដាក់ជំនួសកម្មវិធីទិដ្ឋាការអ្នកវិនិយោគអន្តោប្រវេសន៍ EB-5 ដែលមានស្រាប់ ដែលតម្រូវឱ្យមានការវិនិយោគអប្បបរមាចំនួន៨០០.០០០ដុល្លារ ជំនួសដោយផែនការប័ណ្ណមាស ដែលនឹងអនុញ្ញាតឱ្យមានសញ្ជាតិអាមេរិកដល់ជនបរទេស ជាអ្នកដែលសន្យាថានឹងវិនិយោគក្នុងអាជីវកម្មនៅសហរដ្ឋអាមេរិក។