​ប្រណាំង​រថយន្ត៖ ​ជើងឯក F1 ពិភពលោក ៧សម័យ Lewis Hamilton បាន​បន្ត​ដេញ​ពិន្ទុ​ប្រកៀក​ប្រកិត​នឹង​អ្នក​នាំមុខគេ​កីឡាករហូ​ឡង់ Max Verstappen ក្រោយ​ឈ្នះ​ការប្រកួត F1 នៅ​កាតា​ម្សិលមិញ​។ ​​កីឡាករ​អង់គ្លេស Lewis Hamilton គឺជា​អ្នកឈ្នះ​ក្នុងការ​ប្រកួតប្រណាំង​យក​ទី​ចេញដំណើរ​ ហើយក៏​បាន​នាំមុខគេតាំងពី​ពេលចេញ​ដំណើរ​ដំបូង​ផងដែរ ​ក្នុងការ​ប្រកួត​នៅ​យប់​ថ្ងៃអាទិត្យ​។

​​គ្មាន​នរណា​អាច​តាម​ទាន់​ឡើយ Hamilton បាន​រក្សា​ការនាំ​មុខ​រហូត​ដល់ទី​ព្រ័ត្រ​ ស្របពេល​គូប្រជែង Max Verstappen របស់​ក្រុម Red Bull ត្រូវ​ពិន័យ​កាត់​ចំ​ណាត​ថ្នាក់​ដល់​ទៅ ៥ នោះ​ក៏បាន​ពុះពារ​ហូត​បាន​លេខ ២ ក្នុងការ​ប្រកួត​ ខណៈ​កីឡាករ​អេ​ស្ប៉ា​ញ​អតីត​ជើងឯក​ពិភព​លោក Fernando Alonso របស់​ក្រុម Alpine Racing ទទួលបាន​ចំណាត់ថ្នាក់​លេខ ៣​។ ​​ចំណាត់ថ្នាក់​លេខ ៣ នេះ​គឺជា​ការ​ឈរលើ​វេទិកា​កិត្តិយស​លើកដំបូង​សំរាប់ Fernando Alonso គិត​តាំងពី​ឆ្នាំ២០១៤ នៅ​ប្រទេស​ហុង​គ្រី​។ ​​សរុប​ពិន្ទុ​ក្នុង​តារាង​ជើងឯក​ពិភពលោក​នៅពេលនេះ Max Verstappen នៅតែ​បន្ត​នាំមុខ​ដដែល​តែ​កាត់បន្ថយ​ការនាំ​មុខមក​ត្រឹម ៨ពិន្ទុ​ប៉ុណ្ណោះ​ខណៈ​ការប្រកួត​នៅសល់តែ ២​ទីលាន​ទៀត​ប៉ុណ្ណោះ​នឹង​ចប់​រដូវ​កាល ​ពោលគឺ​ទីលាន​បន្ទាប់នៅ​អារ៉ាប៊ីសាអ៊ូឌីត​ដើមខែ​ក្រោយ និង​ទីលាន​ចុងក្រោយ​នៅ​អារ៉ាប់​រួម​៕

​អត្ថបទ​៖​នាង សុភា​វុ​ធ