អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មានថា ប្រទេសរុស្ស៊ីប្រឆាំងនឹងសង្គ្រាមពាណិជ្ជកម្ម នៅទូទាំងពិភពលោក ពីព្រោះវាជះឥទ្ធិពលអវិជ្ជមាន ដល់អ្នកប្រកួតប្រជែងទីផ្សារទាំងអស់។  

ដូច្នេះហើយ លោកបានធ្វើអត្ថាធិប្បាយលើការវិវឌ្ឍនរបស់សហរដ្ឋអាមេរិក និងសហភាពអឺរ៉ុប រួមទាំងការសម្រេចចិត្តរបស់រដ្ឋបាលសហរដ្ឋអាមេរិក ក្នុងការដាក់ពន្ធគយចំនួន ២៥% លើការផ្គត់ផ្គង់ទំនិញពីសហភាពអឺរ៉ុប។

លោក Peskov បានចង្អុលបង្ហាញថា៖«ប្រាកដណាស់ យើងមិនចង់ឃើញសង្រ្គាមពាណិជ្ជកម្មច្រើន នៅក្នុងពិភពលោកនោះទេ។ ដោយសារតែវិធីមួយ ឬមធ្យោបាយផ្សេងទៀត សង្គ្រាមនេះ នឹងជះឥទ្ធិពលអវិជ្ជមានដល់ប្រទេសទាំងអស់។ លោកបានរំលឹកថា រុស្ស៊ីបច្ចុប្បន្ននេះ កំពុងផ្តោតលើការពង្រឹងទំនាក់ទំនងជាមួយប្រទេសជាមិត្ត រួមទាំងដៃគូ BRICS របស់ខ្លួនផងដែរ។

អ្នកនាំពាក្យរូបនេះ បានបន្ថែមថា៖«យើងកំពុងអភិវឌ្ឍន៍យុទ្ធសាស្រ្តរបស់យើងនៅទីនោះ ដែលបម្រើផលប្រយោជន៍របស់យើង និងដៃគូរបស់យើង បានល្អបំផុត។ គោលដៅរបស់យើង គឺដើម្បីចៀសវាងសង្គ្រាមដំឡើងពន្ធ»។

នាពេលមុននេះ នាយករដ្ឋមន្រ្តីន័រវែស លោក Jonas Gahr Store បានព្រមានថា ហានិភ័យរបស់សហរដ្ឋអាមេរិក បង្កជាសង្រ្គាមពាណិជ្ជកម្មដ៏បំផ្លិចបំផ្លាញ ប្រសិនបើខ្លួនដាក់កំហិតលើការនាំចូលលើទំនិញអឺរ៉ុប។ អ្នកនាំពាក្យរដ្ឋាភិបាលបារាំងលោកស្រី Sophie Primas បានពន្យល់ថា ខណៈពេលដែលអឺរ៉ុប មិនចង់មានសង្គ្រាមពាណិជ្ជកម្ម ជាមួយសហរដ្ឋអាមេរិក ខ្លួនត្រូវបានត្រៀមជាស្រេច ដើម្បីឆ្លើយតប ប្រសិនបើទីក្រុងវ៉ាស៊ីនតោន កំណត់ពន្ធគយលើការនាំចូល។