នៅថ្ងៃសុក្រនេះ ក្រុមភ្នាកងារពន្លត់អគ្គិភ័យ បានបន្តព្យាយាមពន្លត់ភ្លើងឆេះព្រៃនៅទីក្រុងតំបន់ឆ្នេរ Ofunato របស់ប្រទេសជប៉ុន ។ រូបភាពវីដេអូឃ្លីប ឃើញផ្សែងហុយចេញពីចំហៀងភ្នំ និងអគាររងការឆាបឆេះនៅក្នុងភ្លើងឆេះព្រៃ ។

ទូរទស្សន៍រដ្ឋជប៉ុន NHK រាយការណ៍ថា ភ្លើងឆេះព្រៃ បានឆាបឆេះដីព្រៃប្រហែល ១.២០០ហិចតា ហើយមនុស្សម្នាក់ បានស្លាប់ ។

សារព័ត៌មានក្នុងស្រុករាយការណ៍ថា មនុស្សជាង ១.៣០០គ្រួសារ ត្រូវបានជម្លៀសខ្លួន ដោយសារភ្លើងឆេះព្រៃនេះ ហើយមនុស្សជាង ៣ពាន់នាក់ផ្សេងទៀត បានស្វែងរកទីជម្រកនៅមជ្ឈមណ្ឌលបដិសណ្ឋារកិច្ច ។

លោក Kiyoshi Fuchigami គឺជាអភិបាលទីក្រុង Ofunato បាននិយាយរៀបរាប់ថា ភ្លើងឆេះព្រៃ គឺជាគ្រោះមហន្តរាយធម្មជាតិទ្រង់ទ្រាយធំ ហើយវាបានឆាបឆេះយ៉ាងឆាប់រហ័សដោយសារខ្យល់បក់ខ្លាំងទៅទិសខាងលិច ដែលធ្វើឲ្យភ្លើងឆេះព្រៃតូចៗនៅក្នុងតំបន់ រីករាលកាន់តែខ្លាំង ។

គ្រោះមហន្តរាយភ្លើងឆេះព្រៃបច្ចុប្បន្ន បានកើតមាន បន្ទាប់ពីមានករណីភ្លើងឆេះព្រៃស្រដៀងគ្នានៅទីក្រុង Ofunato កាលពីថ្ងៃទី ១៩ ខែកុម្ភៈ ដែលត្រូវបានពន្លត់ភាគច្រើនកាលពីថ្ងៃអង្គារ ខណៈដែលភ្លើងឆេះព្រៃមួយទៀតនៅទីក្រុងជិតខាង Rikuzentakata ត្រូវបានទប់ស្កាត់ជាប់កាលពីរសៀលថ្ងៃពុធ 

ទោះបីជាយ៉ាងណាក៏ដោយ មូលហេតុបណ្តាលឲ្យកើតមានភ្លើងឆេះព្រៃ ពុំត្រូវបានគេដឹងច្បាស់នោះទេ ខណៈជប៉ុមបន្តទប់ទល់នឹងឧបទ្ទេវហេតុភ្លើងឆេះព្រៃកើនឡើង ៕