ប្រធានាធិបតីអ៊ុយក្រែនលោក Volodymyr Zelenskiy នឹងជួបជាមួយប្រធានាធិបតីសហរដ្ឋអាមេរិកលោក Donald Trump ហើយពួកគេនឹងចុះហត្ថលេខាលើកិច្ចព្រមព្រៀងរ៉ែសំខាន់នៅថ្ងៃសុក្រនេះ ស្របពេលដែលទីក្រុងគីវ ធ្វើការ ដើម្បីទទួលបានការគាំទ្រពីសហរដ្ឋអាមេរិក ក្នុងការទប់ទល់ជាមួយការវាយលុករបស់រុស្ស៊ី ខណៈក្រុងវ៉ាស៊ីនតោន ផ្លាស់ប្តូរគោលនយោបាយធ្វើបាបរបស់ខ្លួនលើទីក្រុងម៉ូស្គូ ។

 លោក Zelenskiy ដែលទទួលបានប្រាក់រាប់រយពាន់លានដុលលារលើថ្លៃអាវុធសហរដ្ឋអាមេរិក និងការគាំទ្រផ្នែកសិលធម៌ពីរដ្ឋបាលរបស់លោក Joe Bidenនោះ ប្រឈមឥរិយាបទខុសប្លែកគ្នាយ៉ាងឆាប់រហ័សពីលោក Trump ។

 ប្រធានាធិបតីមកពីគណបក្សសាធារណរដ្ឋរូបនេះ និយាយថា លោកចង់បញ្ចប់សង្រ្គាមឲ្យបានឆាប់ បង្កើនទំនាក់ទំនងជាមួយទីក្រុងម៉ូស្គូ និងយកប្រាក់អាមេរិកមកវិញដែលបានចំណាយ ដើម្បីគាំទ្រអ៊ុយក្រែន ។

 លោក Trumpបានប្រកាន់គោលជំហរពុំសូវមានការប្តេជ្ញាចិត្តផងដែរចំពោះសន្តិសុខរបស់អឺរ៉ុប ដែលសហរដ្ឋអាមេរិកក្លាយជាដៃគូមិនអាចខ្វះបាន ចាប់តាំងពីសង្រ្គាមលោកលើកទី ២ ។

 ការផ្លាស់ប្តូរគោលជំហររបស់សហរដ្ឋអាមេរិកនេះដែរ ដែលធ្លាប់ជាអ្នកគាំទ្រដ៏សំខាន់បំផុតរបស់អ៊ុយក្រែន បានធ្វើឲ្យមានក្តីបារម្ភនៅទូទាំងអឺរ៉ុប ហើយនិងការព្រួយបារម្ភថា ទីក្រុងគីវ អាចនឹងបង្ខំឲ្យទទួលបានកិច្ចព្រមព្រៀងសន្តិភាពលំអៀងទៅខាងរុស្ស៊ី ៕