អ្នកគាំទ្ររាប់សិបនាក់របស់ប្រធានាធិបតីអ៊ុយក្រែន លោក Volodymyr Zelenskiy បានមកប្រមូលផ្តុំគ្នានៅខាងក្រៅសណ្ឋាគារ Hay-Adams ក្នុងទីក្រុង Washington DC កាលពីថ្ងៃសុក្រ បន្ទាប់ពីជំនួបនៅសេតវិមានដ៏ក្តៅគគុករបស់លោកជាមួយប្រធានាធិបតីសហរដ្ឋអាមេរិក លោក Donald Trump ។

ជំនួបរវាង លោក Zelenskiy និង លោក Trump បានជួបភាពចលាចល ខណៈមេដឹកនាំទាំងពីរឈ្លោះប្រកែកគ្នាយ៉ាងក្តៅគគុកជាសាធារណៈជុំវិញសង្គ្រាមជាមួយរុស្ស៊ី។

លោក Zelenskiy ចង់ឲ្យជំនួបនៅសេតវិមានជួយដល់ប្រទេសរបស់លោក បញ្ចុះបញ្ចូលសហរដ្ឋអាមេរិកកុំឱ្យចូលទៅខាងប្រធានាធិបតីរុស្ស៊ី លោក Vladimir Putin ជាអ្នកដែលបានបញ្ជាឱ្យឈ្លានពានអ៊ុយក្រែន កាលពីបីឆ្នាំកន្លងទៅនេះ។

ផ្ទុយទៅវិញ ប្រធានាធិបតីសហរដ្ឋអាមេរិក លោក Trump និងអនុប្រធានាធិបតី លោក JD Vance បានវាយប្រហារមេដឹកនាំអ៊ុយក្រែនដោយនិយាយថាលោកបង្ហាញពីការមិនគោរព ដោយបញ្ជាក់ពីរបៀបនៃការផ្លាស់ប្តូររដ្ឋបាលនៅទីក្រុងវ៉ាស៊ីនតោន ដែលបានធ្វើឱ្យអន្តរាយដល់បំណងរបស់ទីក្រុង Kyiv ដើម្បីរក្សាការគាំទ្ររបស់លោកខាងលិច សម្រាប់កិច្ចខិតខំប្រឹងប្រែងសង្រ្គាមរបស់ខ្លួន។