នៅពេលដែលបុណ្យរ៉ាម៉ាដាន បានចាប់ផ្តើម ប្រជាជនអាហ្វហ្គានីស្ថាន កំពុងប្រឈមនឹងបញ្ហាសេដ្ឋកិច្ចដែលកាន់តែធ្ងន់ធ្ងរឡើង ដោយសារការដាក់ទណ្ឌកម្មរបស់សហរដ្ឋអាមេរិក ដែលកំពុងបន្ត។

លោក Abdul Matin ជាអ្នករស់នៅទីក្រុងកាប៊ុល បានទៅលេងទីផ្សារក្នុងស្រុក ជាមួយកូនប្រុសជំទង់ ២ នាក់ របស់ខ្លួន ដើម្បីទិញរបស់សំខាន់ៗ ក្នុងខែបុណ្យរ៉ាម៉ាដាន។ ទោះជាយ៉ាងណាក៏ដោយ ការឡើងថ្លៃ និងប្រាក់ចំណូលមានកម្រិតរបស់ខ្លួន បានធ្វើឲ្យលោក Matin កាន់តែពិបាកក្នុងការទិញអាហារមូលដ្ឋានសំខាន់ៗសម្រាប់គ្រួសាររបស់ខ្លួន។ 

លោក Matin បានប្រាប់សារព័ត៌មានស៊ីនហួថា៖«ថ្ងៃនេះ ខ្ញុំបានមកផ្សារ ដើម្បីទិញអាហារមួយចំនួន   តូចសម្រាប់ខែបុណ្យរ៉ាម៉ាដាន ដូចជាឈីស ផ្លែល្មើ និងក្រែម ប៉ុន្តែយើងមិនមានលុយគ្រប់គ្រាន់ ដើម្បីទិញអ្វីច្រើនទេ»។

ក្នុងនាមជាអ្នករកស៊ីចិញ្ចឹមតែមួយគត់សម្រាប់គ្រួសាររបស់ខ្លួន ដែលមានកូន ៨នាក់ លោក Matin ធ្វើការជាអ្នកដុតនំ នៅទីក្រុងកាប៊ុល ហើយព្យាយាមស្វែងរកជម្រើសដែលមានតម្លៃសមរម្យ ដើម្បីចិញ្ចឹមគ្រួសាររបស់។

លោកបាននិយាយថា៖«ខ្ញុំជឿថា ប្រសិនបើទណ្ឌកម្មរបស់សហរដ្ឋអាមេរិក ត្រូវបានដកចេញ លុយនឹងហូរចូលដោយសេរី មនុស្សអាចធ្វើការដោយគ្មានការរឹតត្បិត ហើយសេដ្ឋកិច្ច នឹងល្អប្រសើរឡើង» ។

ប្រទេសអាហ្វហ្គានីស្ថាន កំពុងប្រឈមនឹងវិបត្តិហិរញ្ញវត្ថុ ដែលបណ្តាលមកពីភាពស្រេកឃ្លាន ភាពក្រីក្រកាន់តែជ្រៅឡើង និងកង្វះឱកាសការងារកាន់តែធ្ងន់ធ្ងរ។ ទោះបីជាមានការលំបាកក៏ដោយ ក៏បុណ្យរ៉ាម៉ាដាន នៅតែជាពេលវេលានៃសាមគ្គីភាព និងការរួបរួមសម្រាប់មនុស្សជាច្រើន ដែលធ្វើតាមជំនឿឥស្លាម។