លោកប្រធានាធិបតីអាមេរិក Donald Trump បានបិទក្តីសង្ឃឹមកាលីថ្ងៃចន្ទ៣ មីនា នៃកិច្ចព្រមព្រៀងម៉ោងទី១១ជាមួយប្រទេសកាណាដា និងម៉ិកស៊ិក ដើម្បីបញ្ចៀសការដំឡើងពន្ធ ខណៈចុះហត្ថលេខាលើក្រឹត្យដំឡើងពន្ធបន្ថែមលើប្រទេសចិន។

លោក Trump បានដាក់ចេញ ក្រោយបានផ្អាក ការដំឡើងពន្ធលើការនាំចូលពីដៃគូពាណិជ្ជកម្មធំ ៗ កាណាដា និងម៉ិកស៊ិក កាលពីខែកុម្ភៈ ដោយចោទប្រកាន់ថាប្រទេសជិតខាងតាំងពីរបរាជ័យក្នុងការបញ្ឈប់ការធ្វើអន្តោប្រវេសន៍ខុសច្បាប់ និងការជួញដូរគ្រឿងញៀន។

ការផ្អាកគឺត្រូវផុតកំណត់នៅថ្ងៃអង្គារទី៤មីនានេះ ហើយទីផ្សារភាគហ៊ុនអាមេរិកបានធ្លាក់ចុះបន្ទាប់ពី លោក Trump បានប្រាប់អ្នកសារព័ត៌មានកាលពីថ្ងៃចន្ទថា "គ្មានឱកាស" សម្រាប់ប្រទេសទាំងពីរដើម្បីជៀសវាងការដំឡើងពន្ធថ្មីឡើយ។

សេតវិមានក៏បាននិយាយផងដែរថាលោក Trump បានចុះហត្ថលេខាលើការក្រឹត្យមួយដើម្បីបន្ថែមការដំឡើងពន្ធ១០ភាគរយលើពន្ធមានស្រាប់លើប្រទេសចិនដល់២០ភាគរយ។

ប៉ុន្តែការដំឡើងពន្ធដ៏ច្រើន ជាពិសេសលើប្រទេសកាណាដា និងម៉ិកស៊ិក ត្រូវបានកំណត់ដើម្បីបង្អាក់ខ្សែសង្វាក់ផ្គត់ផ្គង់សម្រាប់វិស័យសំខាន់ៗដូចជារថយន្ត និងគ្រឿងសំណង់ ដែលប្រឈមនឹងការកើនឡើងតម្លៃទំនិញប្រើប្រាស់។

នេះអាចធ្វើអោយស្មុគស្មាញដល់កិច្ចខិតខំប្រឹងប្រែងរបស់លោក Trump ដើម្បីបំពេញការសន្យាក្នុងយុទ្ធនាការរបស់លោកក្នុងការបញ្ចុះការចំណាយសម្រាប់គ្រួសារ។

កាលពីថ្ងៃចន្ទសប្ដាហ៍នេះដែរ លោក Trump បានប្រាប់អ្នកយកព័ត៌មានថា ពន្ធរហូតដល់ ២៥ ភាគរយលើប្រទេសកាណាដា និងម៉ិកស៊ិក បានត្រៀមរួចរាល់ហើយ និងចាប់ផ្ដើមនៅថ្ងៃអង្គារនេះ៕