កំពង់ស្ពឺ៖ នៅព្រឹកថ្ងៃទី៤ ខែមីនា ឆ្នាំ២០២៥នេះ ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ តំណាងដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីភាពក្នុងពិធីបុណ្យសម្ពោធឆ្លងកុដិ និងសមិទ្ធផលនានា ក្នុងវត្តសុវណ្ណគិរី ហៅវត្តកំប៉ូត ស្ថិតក្នុងមូលដ្ឋានភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ។

ក្នុងពិធីសម្ពោធសមិទ្ធផលក្នុងវត្តកំប៉ូតនេះ មានការនិមន្ត និងអញ្ជើញចូលរួមពី ព្រះមេគណខេត្តកំពង់ស្ពឺ ទាំងពីរគណៈ ព្រះថេរានុត្ថេរៈជាច្រើនអង្គ សមាជិករដ្ឋសភា ព្រឹទ្ធសភា ឯកឧត្ដម លោកជំទាវ លោក លោកស្រី ក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ ឯកឧត្ដមអភិបាលនៃគណៈអភិបាលខេត្ត ថ្នាក់ដឹកនាំ និងមន្ត្រីរាជការ និងប្រជាពលរដ្ឋ សរុបអ្នកចូលរួមប្រមាណ១០៨០ អង្គ/នាក់។