រដ្ឋមន្ត្រីប្រចាំខេត្ត Ontario ប្រទេសកាណាដា លោក Doug Ford បាននិយាយថា ខេត្តរបស់លោក បានត្រៀមរួចជាស្រេចក្នុងការកាត់ផ្តាច់ចរន្តអគ្គិសនី និងការផ្គត់ផ្គង់សារធាតុរ៉ែសំខាន់ៗដល់សហរដ្ឋអាមេរិក ក្នុងការឆ្លើយតបទៅនឹងការដំឡើងពន្ធដែលបានដាក់ដោយប្រធានាធិបតីសហរដ្ឋអាមេរិក លោក Donald Trump ។

លោក Ford ដែលជាប្រធានក្រុមប្រឹក្សានាយករដ្ឋមន្ត្រីសហព័ន្ធរបស់ប្រទេសកាណាដា ផងដែរនោះ បាននិយាយថាខេត្ត Ontario គឺជាខេត្តនាំចេញថាមពលអគ្គិសនីដ៏សំខាន់ទៅកាន់រដ្ឋ New York រដ្ឋMichigan និង រដ្ឋMinnesota របស់សហរដ្ឋអាមេរិក។ លោកនិយាយថា «ប្រសិនបើពួកគេ ព្យាយាមបំផ្លាញខេត្ត Ontario ខ្ញុំនឹងធ្វើអ្វីគ្រប់យ៉ាង រួមទាំងការកាត់ផ្តាច់ថាមពល ជាមួយស្នាមញញឹមនៅលើមុខរបស់ខ្ញុំ»។

លោក Ford ក៏បានគំរាមបញ្ឈប់ការនាំចេញរ៉ែនីកែល របស់ខេត្ត Ontario ក្នុងអំឡុងពេលសម្ភាសន៍ជាមួយប្រព័ន្ធផ្សព្វផ្សាយ NBC News កាលពីរសៀលថ្ងៃចន្ទ។ លោក Ford បាននិយាយថា «យើងនឹងឆ្លើយតបដាច់ខាត ហើយយើងមិនចង់ធ្វើបែបនេះទេ»។ ជុំវិញសារធាតុរ៉ែសំខាន់ៗ ខ្ញុំនឹងបញ្ឈប់ការនាំចេញទៅកាន់សហរដ្ឋអាមេរិកសម្រាប់នីកែល។ ខ្ញុំនឹងបិទការផលិត ព្រោះថា៥០ភាគរយនៃនីកែលដែលអ្នកកំពុងប្រើប្រាស់ គឺចេញពីខេត្ត Ontario។