ក្រសួងការបរទេស និងជនបរទេសប៉ាឡេស្ទីន កាលពីថ្ងៃចន្ទ បានអំពាវនាវឲ្យកងទ័ពអ៊ីស្រាអែល ដក ចេញពីតំបន់ហ្កាហ្សាស្ទ្រីប និងអនុញ្ញាតឲ្យរដ្ឋប៉ាឡេស្ទីន ទទួលភារកិច្ចរបស់ខ្លួន។

នៅក្នុងសេចក្តីប្រកាសព័ត៌មានមួយ ក្រសួងបានអំពាវនាវឲ្យមានវិធានការអន្តរជាតិពិតប្រាកដ «ដើម្បីទប់ស្កាត់ការឈ្លានពានរបស់កងទ័ពដែលកំពុងគ្រប់គ្រងប្រឆាំងនឹងប្រជាជនរបស់យើង និងសិទ្ធិរបស់ពួកគេ ក្នុងរបៀបមួយដែលធានាដល់ការបង្កើតបទឈប់បាញ់ និងការផ្តល់អំណាចយ៉ាងឆាប់រហ័សដល់រដ្ឋប៉ាឡេស្ទីន និងស្ថាប័នស្របច្បាប់ដែលទទួលស្គាល់ដោយអន្តរជាតិរបស់ខ្លួន ដើម្បីអនុវត្តការទទួលខុសត្រូវរបស់ពួកគេ និងពង្រីកអធិបតេយ្យភាពរបស់ពួកគេលើតំបន់ហ្កាហ្សាស្ទ្រីប និងទឹកដីប៉ាឡេស្ទីនទាំងមូល ដែលអ៊ីស្រាអែលបានគ្រប់គ្រង តាំងពីឆ្នាំ ១៩៦៧។

កាលពីព្រឹកថ្ងៃសៅរ៍ ដំណាក់កាលដំបូងរយៈពេល ៤២ ថ្ងៃនៃកិច្ចព្រមព្រៀង ៣ ដំណាក់កាល រវាងក្រុមហាម៉ាស និងអ៊ីស្រាអែល បានផុតកំណត់ ដោយមិនមានការប្រកាសពីភាពទាល់ច្រកសម្រាប់ដំណាក់កាលបន្ទាប់របស់ខ្លួនឡើយ។

អ៊ីស្រាអែលកំពុងស្វែងរកការបន្តដំណាក់កាលទី ១ នៃកិច្ចព្រមព្រៀងបទឈប់បាញ់ នៅតំបន់ហ្កាហ្សាសម្រាប់រយៈពេល ៤២ ថ្ងៃបន្ថែមទៀត ខណៈពេលដែលក្រុមហាម៉ាស បានបដិសេធ និងចង់បន្តទៅមុខជាមួយនឹងការចរចាសម្រាប់ដំណាក់កាលទី ២។

ដំណាក់កាលទី ២ នៃកិច្ចព្រមព្រៀងនេះ ត្រូវបានគេសន្មតថា ផ្តោតលើការដោះលែងចំណាប់ថ្នូរអ៊ីស្រា អែល ដែលនៅសេសសល់ ការដកកងកម្លាំងអ៊ីស្រាអែលទាំងស្រុង ចេញពីតំបន់ហ្កាហ្សា និងការអនុវត្តបទឈប់បាញ់ជាអចិន្ត្រៃយ៍។