អង្គការនៃប្រទេសនាំចេញប្រេង (OPEC) បាននិយាយនៅក្នុងសេចក្តីថ្លែងការណ៍មួយថា ប្រទេស OPEC+ ចំនួន ៨ ដែលត្រូវបានស្ម័គ្រចិត្តកាត់បន្ថយទិន្នផលប្រេងចំនួន ២,២ លានបារ៉ែល ក្នុងមួយថ្ងៃចាប់តាំងពីដើមឆ្នាំ ២០២៤ បានសម្រេចចិត្តរក្សាការចាប់ផ្តើមនៃការបង្កើនឡើងវិញនូវផលិតកម្មដែលបានគ្រោងទុកសម្រាប់ខែមេសា ឲ្យនៅជាធរមាន។

ក្នុងចំណោមប្រទេស ដែលបាននឹងកំពុងកាត់បន្ថយទិន្នផលដោយស្ម័គ្រចិត្ត មានរុស្ស៊ី អារ៉ាប៊ីសាអ៊ូឌីត អ៊ី  រ៉ាក់ អារ៉ាប់រួម កូវ៉ែត អាល់ហ្សេរី និងអូម៉ង់។ តំណាងប្រទេសទាំងនោះ បានបើកកិច្ចប្រជុំតាមអ៊ីនធឺណិត កាលពីថ្ងៃទី ០៣ ខែមីនា ដើម្បីវិភាគស្ថានភាព នៅលើទីផ្សារប្រេង។

ការដកខ្លួនបន្តិចម្តងៗពីការកាត់បន្ថយទិន្នផលដោយស្ម័គ្រចិត្ត ត្រូវបានគ្រោងទុក ចាប់ពីខែមេសា ឆ្នាំ ២០២៥ ដល់ខែកញ្ញា ឆ្នាំ ២០២៦។ ទន្ទឹមនឹងនោះ OPEC+ ទទួលស្គាល់ថា ការកើនឡើងទិន្នផលអាចនឹងត្រូវបានផ្អាក ឬផ្លាស់ប្តូរ ទៅតាមលក្ខខណ្ឌទីផ្សារ។

សមាជិកនៃសម្ព័ន្ធភាពនេះ អាចបង្កើនផលិតកម្ម ១៣៨.000 បារ៉ែល ក្នុងមួយថ្ងៃ ក្នុងខែមេសា។ នេះបើយោងតាមការគណនារបស់ទីភ្នាក់ងារសារព័ត៌មាន TASS ដោយផ្អែកលើកាលវិភាគផលិតកម្មប្រេងដែលត្រូវបានអនុម័ត នៅក្នុងកិច្ចប្រជុំ OPEC+ កាលពីថ្ងៃទី ០៥ ខែធ្នូ។ ប្រទេសរុស្ស៊ី អាចបង្កើនផលិតកម្ម ២៦.000 បារ៉ែល ក្នុងមួយថ្ងៃ ដល់ ៩,00៤ លានបារ៉ែល ក្នុងមួយថ្ងៃ ក្នុងខែមេសា ខណៈពេលដែលទិន្នផលរបស់អារ៉ាប៊ីសាអ៊ូឌីត អាចកើនឡើងពី ៥៦.000 បារ៉ែល ក្នុងមួយថ្ងៃ ដល់ ៩,០៣៤ លានបារ៉ែល ក្នុងមួយថ្ងៃ។