ទីផ្សារភាគហ៊ុនសកលបន្តស្ថិតក្នុងស្ថានភាពអាប់អួកាលពីថ្ងៃអង្គារ ៤ មីនា ក្រោយដាំក្បាលចុះកាលពីថ្ងៃចន្ទដើមសប្ដាហ៍នេះ ខណៈប្រទេសចិន ម៉ិកស៊ិក និងកាណាដា បានវាយបកវិញចំពោះការដំឡើងពន្ធរបស់សហរដ្ឋអាមេរិក ហើយក្ដីបារម្ភបានកើនឡើងថា អឺរ៉ុបអាចជាគោលដៅបន្ទាប់របស់លោកប្រធានាធិបតី Donald Trump ក្នុងសង្គ្រាមពាណិជ្ជកម្មពិភពលោកដែលកំពុងកើនឡើង។

ភាគហ៊ុនរបស់ Wall Street បានធ្លាក់ចុះសម្រាប់វគ្គទីពីរជាប់ៗគ្នា ខណៈផ្សារហ៊ុនអឺរ៉ុបបានបិទទ្វារយ៉ាងគំហុក ស្របពេលមានការព្រួយបារម្ភថា ជម្លោះពាណិជ្ជកម្មអូសបន្លាយអាចនឹងធ្វើឱ្យសេដ្ឋកិច្ចពិភពលោកធ្លាក់ចុះ។

ភាគហ៊ុនរបស់ Frankfurt របស់អាល្លឺម៉ង់បានធ្លាក់ចុះជាង ៣,៥%សម្រាប់វគ្គជួញដូរដ៏អាក្រក់បំផុតរបស់ខ្លួនក្នុងរយៈពេលជិត៣ ឆ្នាំ ខណៈភាគហ៊ុន London Stock Exchange ធ្លាក់ចុះ ១,៣ % ហើយ Paris stock exchange បានធ្លាក់ចុះ ១,៩%។

អ្នកចាញ់ដ៏ធំបំផុតនៅក្នុងក្រុមហ៊ុនសម្ភារៈវិទ្យាសាស្ត្រ Dow ដែលរួមទាំង Boeing ផងដែរ បានធ្លាក់ចុះ៦,៦% ភាគហ៊ុន 3Mធ្លាក់ជិត ៥ % និងក្រុមហ៊ុនAmerican Express បានធ្លាក់ចុះ ៤,១%។

លោក Konstantin Oldenburger អ្នកវិភាគនៅក្រុមហ៊ុនទីផ្សារ CMC Markets បាននិយាយថា សំឡេងនៃការរំខានពាណិជ្ជកម្មកំពុងកើនឡើងកាន់តែខ្លាំង ហើយកាន់តែពិបាកក្នុងការព្រងើយកន្តើយ ទោះលោក Trump មិនទាន់ដំឡើងពន្ធផ្ទាល់ណាមួយលើអាល្លឺម៉ង់ ឬសហភាពអឺរ៉ុបក៏ដោយ។

ជាមួយគ្នានោះសទស្សន៍ភាគហ៊ុន Nikkei 225 របស់ជប៉ុន បានធ្លាក់ចុះ១,២០% ខណៈសទស្សន៍ភាគហ៊ុន Topix បានធ្លាក់ចុះ០,៧១%។

សទស្សន៍ភាគហ៊ុន Kospi របស់កូរ៉េខាខងត្បូង បានធ្លាក់ចុះ០,១៥% ចំណែកឯសទស្សន៍ភាគហ៊ុន Kosdaq បានធ្លាក់ចុះ០,៨១%។ រីឯសន្ទស្សន៍ភាគហ៊ុន Hang Seng របស់ទីក្រុង ហុងកុង បានធ្លាក់ចុះ០,១៦%៕