អ្នកតំណាងរបស់ប្រទេសរុស្ស៊ី និងមីយ៉ាន់ម៉ា បានចុះហត្ថលេខាលើឯកសារចំនួន១០ ជាផ្នែកមួយនៃដំណើរទស្សនកិច្ចផ្លូវការរបស់នាយករដ្ឋមន្ត្រីមីយ៉ាន់ម៉ា លោក Min Aung Hlaing ទៅកាន់ទីក្រុងមូស្គូ ដែលរួមមានជំនួបជាមួយប្រធានាធិបតីរុស្ស៊ី លោក Vladimir Putin នៅវិមានក្រឹមឡាំង។

ឯកសារទាំងនោះ រួមមានកិច្ចព្រមព្រៀងអន្តររដ្ឋាភិបាលស្តីពីការទទួលស្គាល់សញ្ញាបត្រ ព្រមទាំងអនុស្សរណៈស្តីពីគោលការណ៍ជាមូលដ្ឋាននៃការសាងសង់រោងចក្រថាមពលនុយក្លេអ៊ែរដែលមានសមត្ថភាពខ្នាតតូចនៅក្នុងសហភាពមីយ៉ាន់ម៉ា ហើយក៏បានចុះហត្ថលេខាផងដែរលើជាអនុស្សរណៈស្តីពីកិច្ចសហប្រតិបត្តិការលើវិស័យសុវត្ថិភាពនុយក្លេអ៊ែរ និងវិទ្យុសកម្ម។

អនុស្សរណៈមួយផ្សេងទៀត ត្រូវបានបញ្ចប់រវាងក្រសួងធនធានធម្មជាតិមីយ៉ាន់ម៉ា និងមូលនិធិរុស្ស៊ីដែលមានឈ្មោះថា RK-Investments ។ វាទាក់ទងនឹងការទាញយកធនធាននៅក្នុងសហភាពមីយ៉ាន់ម៉ា។

ប្រទេសទាំងពីរ ក៏បានបញ្ចប់កិច្ចព្រមព្រៀងស្តីពីកិច្ចសហប្រតិបត្តិការលើបញ្ហាគយ អនុស្សរណៈនៃការយោគយល់គ្នារវាងក្រសួងសុខាភិបាល និងទីភ្នាក់ងារទទួលបន្ទុកកីឡានិងអវកាស។

ប្រទេសទាំងពីរ បានអនុម័តសេចក្តីថ្លែងការណ៍អំពីកិច្ចព្រមព្រៀងមួយដើម្បីការពារ និងលើកទឹកចិត្តការវិនិយោគ។