មានចម្ងាយត្រឹមតែប៉ុន្មានម៉ែត្រពីផ្ទះចុងក្រោយនៅភូមិ Bardala ជាភូមិប៉ាឡេស្ទីន នៅចុងខាងជើងនៃតំបន់វេសបែង ( West Bank) កងទ័ពរបស់អ៊ីស្រាអែល បានកំពុងឈូសឆាយផ្លូវដី និងប្រឡាយរវាងសហគមន៍ និងដីវាលស្មៅ នៅលើភ្នំ ពីក្រោយភូមិនេះ។

យោធាអ៊ីស្រាអែល បាននិយាយថា ការងារនេះ គឺដើម្បីសន្តិសុខ និងអនុញ្ញាតឲ្យខ្លួនដើរល្បាត ក្នុងតំបន់បន្ទាប់ពីមានការសម្លាប់ជនស៊ីវិលអ៊ីស្រាអែលម្នាក់ កាលពីខែសីហា នៅក្បែរភូមិ ដោយបុរសម្នាក់មកពីទីក្រុងមួយផ្សេងទៀត។ យោធាមិនបានបញ្ជាក់លម្អិតពីអ្វីដែលខ្លួនកំពុងសាងសង់ នៅទីនោះទេ។

ក្រុមកសិករមកពីភូមិនៃជ្រលងភ្នំ Jordan Valley ដ៏មានជីជាតិ ភ័យខ្លាចការល្បាតរបស់កងទ័ព និងអ្នកតាំងលំនៅរបស់អ៊ីស្រាអែល ដែលផ្លាស់ទីចូលមកទីនោះ នឹបណ្តេញពួកគេចេញពីវាលស្មៅដែលចិញ្ចឹមចៀម និងពពែប្រហែល ១០.000 ក្បាល ដូចបានកើតឡើងនៅតំបន់ផ្សេងទៀតនៃតំបន់វេសបែង ដោយកាត់បន្ថយការចិញ្ចឹមជីវិតរបស់ពួកគេ ហើយទីបំផុតបានបង្ខំឲ្យពួកគេចាកចេញពីភូមិនេះ។

កន្លែងទីតាំងរបស់អ្នកតាំងទីលំនៅអ៊ីស្រាអែល បានកើតមាន នៅជុំវិញភូមិនេះ តាំងពីឆ្នាំមុន ដោយមានទង់ជាតិអ៊ីស្រាអែលពណ៌ខៀវ និងសយ៉ាងច្រើន បក់រវិចៗ នៅលើកំពូលភ្នំក្បែរនោះ។