រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុរបស់អ៊ីតាលី លោក Giancarlo Giorgetti បានព្រមានប្រឆាំងនឹងការចំណាយដែលមិនចេះគិតដល់វិស័យការពារជាតិរបស់អឺរ៉ុប។

ទីភ្នាក់ងារព័ត៌មាន ANSA បានដកស្រង់សម្តីលោកដែលនិយាយនៅក្នុងវេទិកាសេដ្ឋកិច្ច ដែលរៀបចំដោយគណបក្ស Legaថា៖«ការការពារជាតិរបស់អ៊ឺរ៉ុប តម្រូវឲ្យមានកម្មវិធីច្បាស់លាស់នៃការវិនិយោគទៅលើហេដ្ឋារចនាសម្ព័ន្ធការពារជាជាងវិធានការរហ័ស ដោយគ្មានហេតុផល។ នេះគឺជារឿងសំខាន់ក្នុងការមានហេតុផល និងមិនផ្តល់ផលដល់រោគសញ្ញា ដែលធ្លាប់បានជំរុញការទិញថ្នាំបង្ការដ៏ច្រើន ក្នុងតម្លៃមិនគួរឲ្យជឿ ដោយផ្នែកខ្លះ ត្រូវបានបោះចោល។ ក្រោយមក ករណីដូចគ្នា ក៏បានកើតឡើងចំពោះឧស្ម័ន។ កំហុសទាំងនេះ គួរតែត្រូវបានធ្វើឡើង ដោយសារតែភាពចលាចលនិងវឹកវរ។

លោកបានបន្ថែមថា៖«យានដ្រូននិងមីស៊ីលល្បឿនលឿនជាងសំឡេង មិនត្រូវបានលក់ នៅក្នុងផ្សារទំនើបនោះទេ។ វាត្រូវការកម្មវិធីវិនិយោគរយៈពេលជាច្រើនឆ្នាំ។ យើងត្រូវការការវិនិយោគទឹកប្រាក់ច្រើន មានភាពប្រាកដប្រជា និងគិតគូរបានត្រឹមត្រូវ ហើយនឹងមានការពិបាកក្នុងការស្វែងរកវិធី ដើម្បីអនុវត្តកិច្ចការនេះ ដោយគ្មានសហរដ្ឋអាមេរិកបានទេ» ។

នាពេលមុននេះ ប្រធានគណៈកម្មការអឺរ៉ុប លោកស្រី Ursula von der Leyen បានចេញលិខិតមួយទៅកាន់ក្រុមមេដឹកនាំនៃបណ្តាប្រទេស EU ចំនួន ២៧ ដែលបង្ហាញពីផែនការថវិកា ៨០០ ពាន់លានអឺរ៉ូរបស់លោកស្រី សម្រាប់ការស្តារអឺរ៉ុបឡើងវិញ។ ផែនការនេះ នឹងត្រូវលើកយកមកពិភាក្សា នៅក្នុងកិច្ចប្រជុំកំពូលបន្ទាន់របស់សហភាពអឺរ៉ុប នៅថ្ងៃទី ០៦ ខែមីនា។