ក្រុមមន្រ្តីនិយាយថា បុរស ៣នាក់ ត្រូវបានគេព្រួយបារម្ភថាស្លាប់ ក្រោយហេតុការណ៍បំណាក់ផ្ទាំងទឹកកកកនៅរដ្ឋ Alaska សហរដ្ឋអាមេរិក ។

ក្រុមមន្រ្តីមានជំនឿថា បុរសដែលជាអ្នកជិះស្គី ៣នាក់ បានកប់ក្រោមគំនរព្រិលកម្រាស់រហូតដល់ ៣០ម៉ែត្រ ប៉ុន្តែសាកសពរបស់ពួកគេ ពុំទាន់ត្រូវបានរកឃើញនោះទេ ក្រោយឧបទ្ទេវហេតុកើតឡើងកាលពីរសៀលថ្ងៃអង្គារ នៅលើភ្នំ Chugach ស្ថិតនៅចម្ងាយប្រហែល ៦៥គ.មភាគខាងកើតទីក្រុង Anchorage ។

យោងតាមការអះអាងរបស់ទាហានរដ្ឋ Alaska បានឲ្យដឹងថា អ្នកជិះស្គីដែលនៅមិនទាន់បានផ្តល់អត្តសញ្ញាណនេះ បានធ្វើដំណើរតាមឧទ្ធម្ភាគចក្រ ដែលជាផ្នែកមួយនៃដំណើរទេសចរណ៍ដឹកនាំដោយមគ្គុទេសន៍ ។ អ្នកជិះស្គីទី ៤នៅក្នុងក្រុម ត្រូវបានគេរាយការណ៍ថា គេចផុតពីគ្រោះមហន្តរាយមួយនេះ ។

បើសិនជាមនុស្សស្លាប់ត្រូវបានបញ្ជាក់ពិតមែន វានឹងក្លាយជាហេតុការណ៍បំណាក់ផ្ទាំងទឹកកកស្លាប់មនុស្សច្រើនបំផុតរបស់សហរដ្ឋអាមេរិក ចាប់តាំងពីអ្នកឡើងភ្នំ ៣នាក់ បានស្លាប់នៅលើភ្នំ Cascade ស្ថិតក្នុងរដ្ឋ Washingtonកាលពីឆ្នាំ ២០២៣ ៕