ឧត្តមស្នងការជនភៀសខ្លួនអង្គការសហប្រជាជាតិ(UNHCR) បានជំរុញសហគមន៍អន្តរជាតិគាំទ្រការវិលត្រឡប់មកផ្ទះវិញរបស់ជនភៀសខ្លួនស៊ីរី ។

អ្នកស្រី Celine Shmitt គឺជាទីប្រឹក្សាទំនាក់ទំនងជាន់ខ្ពស់របស់ UNHCR និយាយថា មនុស្ស ១លាននាក់ដែលជម្លៀសខ្លួនក្នុងប្រទេស កំពុងរស់នៅក្នុងជំរំ និងតាមទីតាំងជាច្រើនទៀត នៅតំបន់ភាគពាយ័ព្យស៊ីរីនោះ មានបំណងចង់វិលត្រឡប់ទៅផ្ទះរបស់ពួកគេវិញ ក្នុងរយៈពេល ១ឆ្នាំក្រោយ ។ 

គេហទំព័ររបស់ UNHCR រាយការណ៍ថា ចាប់តាំងពីខែកញ្ញារហូតមក ជនភៀសខ្លួនជាង ៥០ម៉ឺននាក់ បានវិលត្រឡប់មកកាន់ស៊ីរីវិញ រួមទាំងមនុស្ស ២០ម៉ឺននាក់ ក្រោយការដួលរលំរបបរបស់លោក Assad ។

អ្នកស្រី Schmitt និយាយថា ជនភៀសខ្លួនស៊ីរីដែលវិលត្រឡប់មកវិញ ត្រូវការផ្ទះសម្បែង ការងារ សាលារៀន មន្ទីរពេទ្យ អគ្គិសនី និងទឹកស្អាត ។

អ្នកស្រីបន្តថា ពួកគេត្រូវការការគាំទ្រទ្រង់ទ្រាយធំផងដែរ ដើម្បីដោះមីន ពេលដែលពួកគេលើកឡើងក្តីបារម្ភមីន គឺជាការងារសន្តិសុខធំបំផុតរបស់ពួកគេ ។

UNHCR បាននិយាយថា មនុស្សជិត ៦០នាក់ ដែលបានជម្លៀសខ្លួននៅក្នុងប្រទេសស៊ីរី ចាប់តាំងពីពេលនោះមក បានវិលត្រឡប់មកផ្ទះរបស់ពួកគេវិញ ។ 

ទោះបីជាយ៉ាងណាក៏ដោយ ជនភៀសខ្លួនស៊ីរី ៧,៤លាននាក់ នៅជម្លៀសខ្លួនក្នុងប្រទេស ហើយនិងមានជនភៀសខ្លួនស៊ីរីជាង ៦លាននាក់ទៀត នៅជុំវិញពិភពលោក ៕