កាលពីថ្ងៃសៅរ៍ម្សិលមិញ មេដឹកនាំកំពូលអ៊ីរ៉ង់លោក Ayatollah

Ali Khamenei បានចោទប្រកាន់សហរដ្ឋអាមេរិកថា បានប្រើប្រាស់តាក់ទិកគំរាមកំហែង

រយៈពេល ១ថ្ងៃក្រោយលោកប្រធានាធិបតី Donald Trump និយាយថា

លោកបានផ្ញើរលិខិតមួយច្បាប់ដល់ក្រុមអាជ្ញាធរកំពូលរបស់ទីក្រុងតេអេរ៉ង់

ដើម្បីចរចាលើកិច្ចព្រមព្រៀងនុយក្លេអ៊ែរ ។

ខណៈថ្លែងសុន្ទរកថានៅទីក្រុងតេអេរ៉ង់ លោក Khamenei និយាយថា គោលដៅនៃការផ្តល់កិច្ចចរចារបស់ទីក្រុងវ៉ាស៊ីនតោន គឺជការគាបសង្កត់ជាជាងការដោះស្រាយបញ្ហា

។

បើទោះបីជាបង្ហាញការបើកទូលាយចំពោះកិច្ចព្រមព្រៀងជាមួយទីក្រុងតេអេរ៉ង់យ៉ាងណាក្តី

លោក Trump បានបញ្ជាក់ដដែល ពីយុទ្ធនាការដាក់សំពាធអតិបរមាដែលលោកធ្លាប់ធ្វើអំឡុងអាណត្តិលើកដំបូងរបស់លោក

ដើម្បីធ្វើឲ្យអ៊ីរ៉ង់ឯកាពីសេដ្ឋកិច្ចសកល ហើយនិងធ្វើឲ្យការនាំចេញប្រេងអ៊ីរ៉ង់ធ្លាក់ដល់កម្រិតសូន្យ

។

អំឡុងអាណត្តិឆ្នាំ ២០១៧-២០២១របស់លោកជាប្រធានាធិបតីសហរដ្ឋអាមេរិក លោក Trump បានដកសហរដ្ឋអាមេរិកចេញពីកិច្ចព្រមព្រៀងជាប្រវត្តិសាស្រ្តរវាងអ៊ីរ៉ង់

និងប្រទេសមហាអំណាចធំៗពិភពលោក ដែលបានរឹតត្បិតសកម្មភាពនុយក្លេអ៊ែរអ៊ីរ៉ង់

ជាការដោះដូរនឹងការបន្ធូរបន្ថយទណ្ឌកម្ម ។

ក្រោយលោក Trump ដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់

កាលពីឆ្នាំ ២០១៨ និងដាក់ទណ្ឌកម្មឡើងវិញលើប្រទេសអ៊ីរ៉ង់

ជាហេតុធ្វើឲ្យទីក្រុងតេអេរ៉ង់បំពានឡើងវិញសកម្មភាពរឹតត្បិតនុយក្លេអ៊ែររបស់ពួកគេ ៕