បេសកជនអាមេរិក ដែលបានជួបពិភាក្សាដោយផ្ទាល់មិនធ្លាប់មាន ជាមួយក្រុមហាម៉ាស បាននិយាយថា កិច្ចប្រជុំនេះ ពោរពេញដោយបក្ដីសង្ឃឹម ហើយលោកមានទំនុកចិត្តថាកិច្ចព្រមព្រៀងដោះលែងចំណាប់ខ្មាំងអាចឈានដល់ ក្នុងរយៈពេលប៉ុន្មានសប្តាហ៍ទៀត ។

ថ្លែងទៅកាន់ទូរទស្សន៍ CNN លោក Adam Boehler បានទទួលស្គាល់ថាទោះជនជាតិអាមេរិកជ្វីហ្វ មានការខ្វែងគំនិតគ្នា ក្នុងការអង្គុយទល់មុខគ្នាជាមួយមេដឹកនាំក្រុម ដែលសហរដ្ឋអាមេរិកបានចុះបញ្ជីជាអង្គការ "ភេរវករ" តាំងពីឆ្នាំ១៩៩៧ ប៉ុន្តែលោកមិនបានបដិសេធការប្រជុំបន្ថែមទៀតជាមួយក្រុមសកម្មប្រយុទ្ធប៉ាឡេស្ទីននោះទេ។

លោក Boehler បាននិយាយថា លោកយល់ពីការព្រួយបារម្ភ របស់អ៊ីស្រាអែល ដែលសហរដ្ឋអាមេរិកបានជួបពិភាក្សាជាមួយក្រុមនេះ ប៉ុន្តែបាននិយាយថា លោកបានកំពុងស្វែងរកការចាប់ផ្តើមការចរចា ដ៏ផុយស្រួយ ។

លោកបាននិយាយថា នៅទីបញ្ចប់ លោកគិតថាវាជាកិច្ចប្រជុំដ៏មានប្រយោជន៍មួយមួយ ហើយលោកបានបន្ថែមថា នឹងអាចមានអ្វីមួយកើតឡើងរួមគ្នាក្នុងរយៈពេលប៉ុន្មានសប្តាហ៍ខាងមុខ។ លោកគិតថាមានកិច្ចព្រមព្រៀងមួយដែលពួកគេអាចដោះលែងអ្នកទោសទាំងអស់ មិនមែនត្រឹមតែជនជាតិអាមេរិកនោះទេ។

កាលពីសប្ដាហ៍មុន ប្រធានាធិបតីអាមេរិក លោក Donald Trump បានគំរាមកម្ទេចក្រុមហាម៉ាសបន្ថែមទៀត ហើយថានឹងពុំមានក្រុមសមាជិកហាម៉ាស ណាម្នាក់មានសុវត្ថិភាពឡើយ បើក្រុមចំណាប់ខ្មាំងដែលនៅសេសសល់ មិនត្រូវបានដោះលែង ជាសម្ដីដែលលោកបានហៅថាជាការព្រមានចុងក្រោយទៅកាន់ក្រុមមេដឹកនាំហាម៉ាស៕