ឧត្តមនាវីឯក ទៀ សុខា មេបញ្ជាការកងទ័ពជើងទឹក និងជាអគ្គលេខាធិការស្តីទី នៃ​គណៈកម្មាធិការ​ជាតិសន្តិសុខលម្ហសមុទ្រ នៅរសៀលថ្ងៃទី៩ ខែមីនា ឆ្នាំ២០២៥នេះ បាន​អញ្ជើញ​ចុះ​ជួបសំណេះសំណាល និងសួរសុខទុក្ខនាយនាវី នាយនាវីរង ពលនាវិក មូលដ្ឋាន​សមុទ្ររាម​ ក្នុងឱកាសបុណ្យចូលឆ្នាំថ្មីប្រពៃណីខ្មែរ និងត្រួត​ពិនិត្យការងារ​តាម​បណ្តា​អង្គភាព​ចំណុះ​បញ្ជាការដ្ឋានកងទ័ពជើងទឹក។

ជាមួយនឹងការចុះសួរ សុខទុក្ខនោះដែរ ឯកឧត្តម ឧត្តមនាវីឯកទៀ សុខា ក៏បានពាំនាំនូវ​អំណោយ​របស់​សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា និងលោកជំទាវ ពេជ ចន្ទមុន្នី ហ៊ុន ម៉ាណែត ជូនដល់កងទ័ពជើងទឹក មូលដ្ឋានសមុទ្ររាមផងដែរ៕