សហរដ្ឋ​អាមេរិក​នឹង​មិន​ឈរ​នៅ​ស្ងៀម​ទេ បើ​អ៊ីរ៉ង់​ឈាន​ជិត​ដល់​ដំណាក់​កាល​ផលិត​បាន​អាវុធ​នុយក្លេអ៊ែរ

សហរដ្ឋអាមេរិកនឹងមិនឈរនៅស្ងៀមទេ បើអ៊ីរ៉ង់ឈានជិតដល់ដំណាក់កាលផលិតបានអាវុធនុយក្លេអ៊ែរ

អាមេរិក៖ លោក Rob Malley ប្រេសិតពិសេសរបស់សហរដ្ឋអាមេរិកទទួលបន្ទុកកិច្ចការប្រទេសអ៊ីរ៉ង់ បាននិយាយនៅក្នុងបទសម្ភាសន៍ដែលចេញផ្សាយកាលពីថ្ងៃពុធមុនការបន្តកិច្ចចរចានៅសប្ដាហ៍ក្រោយ ស្ដីពីការស្រោចស្រង់កិច្ចព្រមព្រៀងនុយក្លេអ៊ែរឆ្នាំ២០១៥ ឡើងវិញថា សហរដ្ឋអាមេរិកនឹងមិនឈរនៅស្ងៀមទេ ប្រសិនបើអ៊ីរ៉ង់ឈានជិតដល់ដំណាក់កាលផលិតបានអាវុធនុយក្លេអ៊ែរ។

លោកបានប្រាប់វិទ្យុសាធារណៈជាតិក្នុងបទសម្ភាសន៍មួយថា ប្រសិនបើពួកគេចាប់ផ្ដើមឈានកាន់តែជិតដល់នោះ ពិតណាស់យើងនឹងមិនអង្គុយស្ងៀមនោះទេ នេះបើយោងតាមការដកស្រង់ដែលចេញផ្សាយដោយទូរទស្សន៍អាមេរិក។ ការដកស្រង់នេះមិនបានបញ្ជាក់ពីអ្វីដែលលោកចង់និយាយដោយពាក្យថា ឈានចូលកាន់តែជិត ឬជម្រើសរបស់សហរដ្ឋអាមេរិកក្នុងករណីនោះ។ កិច្ចចរចាដោយប្រយោលរវាងសហរដ្ឋអាមេរិក និងអ៊ីរ៉ង់គ្រោងនឹងបន្តនៅទីក្រុងវីយែននៅថ្ងៃចន្ទ ទី២៩វិច្ឆិកា ជាមួយនឹងសមាជិកផ្សេងទៀតនៃកិច្ចព្រមព្រៀងនុយក្លេអ៊ែរឆ្នាំ២០១៥ រួមមានអង់គ្លេស ចិន បារាំង អាល្លឺម៉ង់ និងរុស្ស៊ីដែលបិទរវាងភាគីទាំងពីរ ដោយសារក្រុមមន្ត្រីអ៊ីរ៉ង់បដិសេធមិនជួបដោយផ្ទាល់ជាមួយសមភាគីអាមេរិករបស់ពួកគេ។

ប្រធានាធិបតីអាមេរិកលោក Joe Biden កំពុងព្យាយាមស្តារឡើងវិញនូវកិច្ចព្រមព្រៀង ដែលអ៊ីរ៉ង់បានយល់ព្រមបញ្ឈប់កម្មវិធីនុយក្លេអ៊ែររបស់ខ្លួន ជាថ្នូរនឹងការបន្ធូរបន្ថយទណ្ឌកម្មពីសហរដ្ឋអាមេរិក អង្គការសហប្រជាជាតិ និងសហភាពអឺរ៉ុប។ អ្នកកាន់តំណែងមុនរបស់លោក Biden គឺលោក Donald Trump បានបោះបង់ចោលកិច្ចព្រមព្រៀងក្នុងឆ្នាំ២០១៨ និងបានដាក់ទណ្ឌកម្មឡើងវិញរបស់សហរដ្ឋអាមេរិក ដែលជំរុញឱ្យអ៊ីរ៉ង់ចាប់ផ្ដើមរំលោភលើដែនកំណត់នុយក្លេអ៊ែររបស់ខ្លួន៕

អត្ថបទ៖ សុខមាន

អត្ថបទដែលទាក់ទង

បេសកជន៖ ការវិលត្រឡប់របស់មេដឹកនាំមីយ៉ាន់ម៉ាទៅកាន់កិច្ចប្រជុំអាស៊ាន ស្ថិតលើផ្លូវវែងឆ្ងាយណាស់

ក្រុមបាតុករប៉ះទង្គិចជាមួយនគរបាលអាល់បានី អំឡុងការតវ៉ាបង្កឡើងដោយគម្រោងរមណីយដ្ឋាន

EU ហៅការវាយប្រហាររបស់ក្រុមហ៊ួទី លើនាវាដឹកប្រេងថា មិនអាចទទួលយកបាន និងព្រមានកុំបង្កើនភាពតានតឹងបន្ថែម

បណ្ដាញសង្គម

ព័ត៌មានចុងក្រោយ

បេសកជន៖ ការវិលត្រឡប់របស់មេដឹកនាំមីយ៉ាន់ម៉ាទៅកាន់កិច្ចប្រជុំអាស៊ាន ស្ថិតលើផ្លូវវែងឆ្ងាយណាស់

ក្រុមប្រឆាំងអ៊ីស្រាអែលហៅកិច្ចព្រមព្រៀងនុយក្លេអ៊ែរអាមេរិក-អារ៉ាប៊ីសាអ៊ូឌីតថា ជាបរាជ័យរបស់លោក Netanyahu

ជនស៊ីវិល ១៦នាក់ត្រូវបានសម្លាប់ អំឡុងការវាយប្រហារថ្មីរបស់ក្រុមឧទ្ទាម នៅភាគខាងកើតកុងហ្គោ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សហរដ្ឋអាមេរិកនឹងមិនឈរនៅស្ងៀមទេ បើអ៊ីរ៉ង់ឈានជិតដល់ដំណាក់កាលផលិតបានអាវុធនុយក្លេអ៊ែរ